وصفة الروز الخاصة بالمشاكسة ملاك ملاكي تفضلوا

[ملاك ملاكي]

السلام عليكم ان شاء الله الكل بخيييير زبصحة جيدة
حبيباتي نتمنى تعذروني وتسامحوني على التاخيييييير والله النات قليلة عندي
نتمنى تقبلوا وصفتي لي طلبتوها مني وما تزعفوش مني وترميو وصفتي هاهاهاها
الوصفة
تغلي كمية من الروز في الماء وقليل من الملح والزيت عو الزبدة ولي تحب تغلي كذلك قطعة جونبو لك الاختيار
بعد ما يغلي وتشوفيه طاب صفيه وخليه يقطر جيدا من الماء بهرها فوريه مرة واحدة فقط باه يشيح من الما ء نتاعه
من جهة اخرى غي مقلة قليل من زيت الزيتون قلي البصل مقطع مكعبات صغير ة مع كمية من قطع الدجاج كذلك مقطع مكعبات سنينات ثوم ملح فلفل اسود كسبر وكل واحدة فينا ليها توابل الخاصة بها وراه كاين توابل خاصة بالعجائن
بعد ما يتقلو اضيفي فلفل حار وكدلك الحلو مقطعين مكعبات خليه يذبال قليلا اضيفي حفنة من جلبانة تكون مفورة مسبقا وشرايح من الزيتون الاخضر مغلي فبل في الماء وعصير قارص...........انا من كثرة نحب الدبشة نستعملها حتى في الروز وبعد ما تشوفي الخليط نتاعك نضج اضيفي كمية من البطاطا والجزر والبذنجان والجريوات لي يحبها ولكن يكونو مقلبيين في الزيت من قبل انا في الروز مانحبش الخضر مفورة ولا طايبة وكل واحدة وذوقها
نخلط الكل مع بعض ونضيف قطع من الفرماج وتونة الزيت ولي تحب الماييس
الاضافات انت حرة اختي
قدميها مع صوص طماطط وزيني بحبات زيتون اسود باه تكسري اللون وورقات من النعناع
والبض مسلوق
بالصحة والهنائ
نتننى تعجبكم طريقتي ممكن البعض يقول واش هذا التلباز هاهاهاها
كي قلتلكم انا اعشقه ولو في الماء مغلي فقط
في امان الله ودعوة خييييير منكم تكفيني ولكم لها بالمثل