اقتباس:
المشاركة الأصلية كتبت بواسطة ام عبدو و ملاك
مممممممممممممممممم بصحتك المحجوبة تشهي كيفاه درتيها
|
اسمحيلي ام ملاك وعبدو راهو ولدي حتاج الميكرو حطيت الصور ورحت بلا مانشوف ردك
الطريقة هي تقليدية كان عندي ثلاث رؤوس فلفل حلو قطعتهم رقيق وقليتهم في شوي زيت حوالي ازوج مغارف وكرفجت عليهم سنتين ثوم وفلفل حار اخضر ثاني وكي تقلو نحيتهم بجيه ورحيت حبتين بصل في الروبو متخليهمش يدوبو قليتهم في نفس المقلة زائد مغرف كبيرة طماطم مصبرة ومغرف هريسة وما تنسيش الملح وكي يدبال البصل حوالي 3 دقائق مع التقليب لوحيهم مع الفلفل من بعدجبت حبة طماطم قشرتها ورحيتها هي ثاني في الروبو وقليتها حتان عقدت شوي وفي الاخير قصيت عليهم حبات زيتون اخضر رقيق كنت حطيتو في الماء وحد الساعة راح منو الملح وخلطي الكل مع بعض وخلاص
العجين نتاع مطلوع عادي زوج كيلات دقيق وكيلة فرينة وخميرة خبز وملح وشوي زيت حوالي 2 ملاعق واعجني مليح ومباشرة ديري كرات بالزيت وغطي بالبلاستيك لازم لاصوص تكون باردة انا وجدتها الصباح والعجين على 11لانو كي تكوني تطيبي دجا يخمرو مع الوقت سخني الطاجين لمسرح وحلي بالزيت وطيبي كيما الصورة انا نستعمل الزيت يجو مقرمشين ولازم يكونو رقاق
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
( تقرير عن مشاركة سيئة )، و الموجودة أسفل كل مشاركة .
2015-10-17, 21:00
العرض الشجري