دورة الاستعداد لفصل الشّتاء بيتي مشرق كفصل الرّبيع

[ام مؤمن]

مساء الخيرات

هنو ام ياسر تمنيت نشوف صورك مع الاسف النت ضعيفة عندي يعطيك الصحة و ام تغاريد قامت معك بالواجب و ماشاء الله عليك كلك حيوية و نشاط

حمدا لله على سلامتك ام ياسين عودة ميمونة تطبيق 15 دقيقة للاماكن الساخنة قادم ان شاء الله راني ننزل في التطبيقات بالترتيب نحاول نقدمهم حسب الاولوية

خوخة ربي يسلكك و يعطيك وقفة ساهلة اخدمي بالراحة

امال موااااااااااااااااااااااح ليك انت لي تستهلي قبلة حارة على نشاطك الرائع يا عروستنا

ام تغاريد فعلا النهوض باكرا عادة رائعة فوائدها عظيمة و ربي يبارك لمن بنهض باكرا و هذه قالها نبينا المصطفى و يعطيك الصحة قمتي بضيافك و اكرمتيهم و ننصحك بتجهيز عشائك باكرا يعطيك وقت اضافي في المساء لقراءة المصحف بعد المغرب او تدريس الاولاد انا دائما نجهزو بكري الا لما يكون قليان او غراتان نجهز كل شيئء و نخليه كي يقرب التقديم نكمل التحمير فقط

اولادي نور عيوني يعطيك الصحة راكي جايبتها ربي يوفقك

آسيا 25 مرحبا بيك حنونة و ان شاء الله تستفيدي معنا و تفيدينا بافكارك و مقترحاتك

ام صابرين يا نحلة النحلات ربي يحفظك من العين واصلي راكي ممتازة

منال على سلامتك حنونة راني كل يونم نحوس على اسمك بين الفراشات رانا ننتظرك بفارغ الصبر ربي يعينك

امة الله بالشفاء عليكم

البحر الصافي عطر مسك الليل تكلمت عليه ام صابرين كي تشوف ردك تجاوبك ان شاء الله تقرعيجة برك انت البحر الصافي اللي في الكوزينة ههههه نمزح

ذات النورين ان شاء الله تحسنتي بالتوفيق