مشكلتي اتعبتني نفسيا

[مشكلتي]

سلام انا فتاة 25 سنة مشكلتي اني اخاف كثيرا من كلام الناس واش يقول فلان وش يقول علان

لدرجة انو مثلا لما يصرالي هكا موقف ولا نرجع نتخيل فيه ونقول كون يقول هداك الشخص هك وكون يفهم هك ومكانش لازم ندير هك وديما موسوسة من روحي ونخاف منعجب حتى عبد ومعنديش ثقة في نفسي يعني منعدمة انعدامااااا تاااامااا

مرة صرالي حادث مرور لما كنت نتعلم نسوق ودخل فيا شخص لما نزلت انفعلت منو وقلتله شوف قدامك يا راجل والمهم انفعلت معاه وقلقت وقعدلي هداك الموقف خاصة ان مش من طبعي اني ننفاعل او نقلق بصح الله غالب حادث وقعدلي الموقف هداك في راسي ونقول دك يقولو الناس راها مش متربية وووو والله هاو ربي شاهد اني متخلقة جامي وصلت عبد من لافامي ولا من برا مام صديقاتي معنديش منخالطش , حياتي كومبلي جبتها في الدار لا خرجت نخرج مع الوالدة فقط احيانا فقط وين نخرج وحدي

بصح نخاف من هدرة الناس وموسوسة وكلش

وخاصة ان الان راني في عمر 25 سنة ومتقدم حتى شخص ليا هل هدا طبيعي ؟؟؟؟؟ ساعات نقول مشي رايحة نتزوج

الله يحفظكم اللي يفوت من يعطيلي رايو في مشكلتي ينصحني يدعيلي دعوة