السلام عليكم ورحمة الله تعالى وبركاته انا ام هدول هادي اول مشاركة ليا حبيت نقدملكم خبز بنين وتقليدي يحبوه بناتي بزاف وحبيت نشاركم بهاد الوصفة كبداية فقط انشاء الله تعجبكم نبداو بسم الله
المقادير:
كمية من السميد حسب الكمية لي حابتها والمول لي عندك .انا نعطيكم مقادير 2 خبزات متوسطين في الحجم كيما رايحين تشوفوهم في الصور
مع اضافة زيت نباتي حوالي كوب +ملعقة كبيرة خميرة الخبز +م ك حليب غبرة+م ك سكر عادي+م ك جلجلانية +ملح و تبلي بالماء دافيء
طريقة التحضير :تبسي السميد بالزيتومن بعد اضيفي باقي المكونات وتبلي بالماء الدافيء وخليها تخمر حوالي نصف ساعة ومنبعد تعجنيها مليح واثناء العجن تسقي بكمية من الحليب الدافيء دوبي فيه ملعقة زبدة +بيضة كاملة تخلطي هادو (تسقي بيهم العجينة) حتى تولي عجينة لينة بزاف بين يدينا
نشكل خبيزات ونحطهم في صينية الفرن مدهونة بالزيت ونزيدو ندهنوه بالبيض ونزينوه بالجلجلانية ونخليوه يخمر قبل ماندخلوه للفرن وللتوضيح اكثر نخليكم مع الصور وانشاء الله يعجبكم
( تقرير عن مشاركة سيئة )، و الموجودة أسفل كل مشاركة .
2015-10-05, 21:29
خبز الدار من كوزينتي
العرض الشجري