الغريبة في مول السيليكون

[ام ساجد]

السلام عليكم ورحمة الله وبركاته

اليوم عملت غريبة بالنواد كوكو وفي مول السيليكون لا تطبعي لا تكسري راسك ههههههه تفنيين الله
غالب راو قتلنا كامل وزيد مع التعب عدنا نحوسو غير على الساهل

المقادير :كيلة سمن ذايب وبارد (انا ذوبتو في الليل وحطيتو في لفريجدان واستعملتو الصباح)+كيلة ناقصة اصبعين
سكر ناعم +نصف كيلة نوادكوكو+مغرفة فاني + زوج كيلات ونص فرينة

التحضير:نخلط السمن والسكر حتى يصير خليط كريمي وابيض ثم نضيف النواد كوكو والفاني ثم نضيف الفرينة
ونعجنها مليح وخلاص ممكن نستعمل الباتور وممكن نستعمل الايدي نفس النتيجة

نشكل كور من العجينة ثم نحطها في النواد كوكو ثم في مول السيليكون اي شكل تحبي انا درتها في مول التاج
الصغير تاع 12حبة وندخلها لفرن ساخن مدة 10دقايق
ونخرجها من الفرن ونخليها تبرد تماما تماما وبعد ننزعها من المول ونذرذر عليها سكر ناعم ونعمر الثقب
بخليط معجون وجيلي وملون احنر وممكن نستعمل معجون وملون فقط

وممكن نشكلها كور ونحطها في النواد كوكو ونطيبها هكاك ولما تبرد نزينها بالشوكولا









ولي ما يحبش النوادكوكو ممكن يستعمل كاوكاو اوجلجلان