قاطو المعجون تقليدي واقتصادي

[chez biba]

السلام عليكم ورحمة الله وبركاته
اكيد الكل يعرف قاطو المعجون او قاطو لاراب .. وبما انو عيد الأضحى المبارك قريب والكل يبحث عن وصفات سهلة وخاصة اقتصادية وتقطع كمية مليحة .. قلت نحطلكم هاذ الوصفة هايلة تجي مزيج من الكيك وقاطو ساك وتذوب في الفم

بسم الله


المقادير (كاس = 250مل)
4 بيض
كاس زيت
اقل من نصف كاس سكر
1 كيس خميرة الحلوى
فانيليا
قرصة ملح
2 كيسان فرينة
كاس نشاء
400 غ مربى المشمش او الفراولة
حبات كرز مجففة

التحضير:

اخلطي البيض مع قرصة ملح + سكر + زيت + فانيليا حتى يصبح الخليط فاتح

أضيفي الفرينة مغربلة مع النشاء والخميرة واخلطي بملعقة خشبية حتى تتحصلي على عجينة طرية

خذي كمية من العجينة وجففيها جيدا بالفرينة حتى تصبح صلبة نوعا ما واتركيها جانبا

خذي صينية الفرن وبطنيها بورق الطهي

ضعي العجينة الطرية في الصينية، ادهني يديك بقليل من الزيت وابسطيها بشكل متساوي

افرغي المعجون فوق العجينة (انا استعملت معجون الفراولة) حتى تكون عندنا طبقة لاباس بها واحتفظي بمقدار ملعقتي أكل

بواسطة مبشرة الجبن أبشري العجينة الصلبة فوق المعجون

ثم ادخليها للفرن درجة حرارته 180° حتى يأخذ السطح لون ذهبي فاتح
عند خروجها من الفرن ادهني السطح بالمعجون المتبقي محل في قليل من الماء

اتركيها تبرد تماماً ثم قطعيها مربعات او معينات حسب الرغبة وزينيها بانصاف كرز مجفف

ضعيها في des caissettes وقدميها مع عصير او حليب

عن قرب شوفي واش خفيفة

الوصفة مصورة

ما تبخلوش عليا بدعوة خير تكفيني