الاخوة اعضاء المنتدى السلام عليكم ورحمة الله تعالى وبركاته.....اخواني انا عندي atos gl 2010 قبل3 اشهر من الان بدات تدخن دخان ازرق وتخرج من الشابمان ريحة بنزين ....من بعد كي رحت ندير الفيدانج وجد مول الفيدانج الزيت قليلة جدا ...قالي السيارة راه تاكل الزيت ....يلزمك تبدل الساقمات كنصيحة .... مع العلم ان الدخان يكون غي في الصباح وكيسخن المحرك يروح....والسيارة بدات ماتجبدش مليح في العقبة .....كنت باغي ندفعها للميكانيكي قبل رمضان .لكنني نستحقها.... اسالت شحال من ميكانيكي كل واحد واش يقولك ....واحد يقول الساقمات ...واحد يقول لجيد سوباب ...واحد يقول لجوان سوباب....
قبل ثلاثة ايام من اليوم دفعتها عند ميكانيكي ....كحكيتله قال لي باينة لجيد سوباب ( les gudes sopapes) ....بعد ها افتح غطاء المحرك وقل لي ...حتى les sagments عيانين و les pistons ...شوية ممحيين ....وشاورني قال لي : واش نخدم غي ( les gudes sopapes) ولا نخدم كلش ؟ وزاد قال لي تأكد بلي من بعد غادي تحل الموتور....حله مرة واحدة خير من زوج ...
وهو الا ن ينتظر الرد . فانصحوني يا اهل الخير من فضلكم .
ولي سؤال انا كنت باغي نبيعها كما كانت ( تدخن وتاكل الزيت) لكن في السوق ما نقدرش نبيعها ونخفي عيوبها ....حرام ...انا شخصيا ما ندرهاش ....
قلت نخدمها ونبيعها.... هل فتح المحرك يؤثر على السعر ؟؟؟؟
يرحم والديكم وكل عزيز عليكم انصحوني الميكانيكي ينتظر. وجزاكم الله خيرا
( تقرير عن مشاركة سيئة )، و الموجودة أسفل كل مشاركة .
2015-08-21, 18:59
والله انا في حاجة الى نصيحتكم
العرض الشجري