الكروكي الرخامي بالتفصيل المفيد

[ام ساجد]

السلام عليكم ورحمة الله وبركاته

هاذي وصفة كروكي رخامي ممكن كاين لي يعرفها وكاين ليما يعرفهاش

نبداو بسم الله
الكاس لي في الصورةهو لي كيلت بيه وانا هنا ضاعفت المقادير



1_المقادير:6بيضاة+كاس ونص سكر عادي+كاس ونص زيت+كاس ونص نشاء
+2فاني+2خميرة+ قرصة ملح+فرينة
الطريقة:
2_بيض +سكر+قشور برتقال اختياري ونخلط جيدا
3_نخلط البيض والسكر حتى يولي خليط رغوي
4_نضيف الفاني



5_نستمر في الخفق حتى يطلع الخليط
6_نبدأ بإضافة الزيت قليلا قليلا
7_نوقف العجانة ونضيف النشاء
8_نضيف الخميرة ونخلط بملعقة خشب



9_نقسم الخليط على اثنين لكن واحد اكثر من الاخر
10_الجزء الصغير نضيف ليه 2مغارف كبار كاكاو والفرينة ححتى نتحصل على عجينة طرية ومتماسكة
11_الجزء الاكبر نضيف ليه الفرينة حتى الحصول على نفس قوام العجينة



12_ناخذ كورة متوسطة الحجم من العجينة البيضاء وكورة اصغر منها من العجينة السوداء
13_فوق بلاستيك ندهنو في الاول بالزيت دهنة خفيفةنحل العجينتين كل وحدة وحدها
14_نقلب العجينة السوداء فوق البيضاء ونلف نتحصل على حربوش نحطو في صينيةمدهونة
او من الاحسن نستعمل ورق الطهي



خليط الدهن: بيضة +شوي حليب نخلط ثم نضيف الكاكاو حتى الحصول على خليط كثيف
ندهن الكروكي ثم نزين بالشوكة وندخل للفرن يطيب

وبعد ما نخرجو من الفرن نقطعو مباشرة وهو سخون ونخليه يبرد ونحيه من الصينية



ملاحظة:الطياب يكون على درجة 160والفرن يكون ساخن من قبل باش يطيب من داخل وما يكونش معجن