حلوى الجلجلانية بالكابريس من مطبخي

[عطر الملكة]

السلام عليكم و رحمة الله تعالى و بركاته

قاطو الجلجلانية بالكابريس من مطبخي ان شاء الله يعجبكم


المقادير :



250 غ مارغرين
2 بيض + صفار بيضة احتفظي بالبياض
5 ملاعق كبار سكر قلاصي
5 ملاعق كبار مايزينة
5 ملاعق كبار حليب
ملعقة صغيرة فانيلا
نصف ملعقة صغيرة خمارة
فرينة
جلجلان غير محمص
عسيلة


للتزيين :


حبة لوز
كابريس ذوق كراميل 40 حبة
و بريون ذهبي
شكولاطة

التحضير :


نخلط الزبدة مع السكر حتى تصبح مثل البوماد نضيف الحليب + البيض + النشا + الفانيلا + الخمارة و نلم بالفرينة حتى تصبح عجينة طرية نعمل كويرات صغيرة و نغطس في بياض البيض و نمرمد في الجلجلان و نحطها في قوالب السليكون

بعد ما تطيب نخليها تبرد و ننزعها بالضغط من الأسفل باش ما تتكسرش

نذوب الكابريس مع ملعقتين مرغرين و ملعقتين حليب و نعمر حبات الحلوى و نحط حبة لوز ثم نرش بالبريون و آخر شي نذوب الشكولاطة و نعمل لمسة خفيفة على حبات الجلجلانية

و بصحتكم و راحتكم