بدون مقادير الخبز سخون من كوزنتي

[حياة نور الدين]

]السلام عليكم

انا الخبز جيني ساهل لاني نوجدوا في دقائق ويجيني رووووعة ������ خاصة ادا كانت الفرينة مليحة انا نستعمل سيم او لاكلاس منطولش عليكم



المقادير

المقادير

فرينة عينك ميزانك تقريبا كيلو
ملح
ملعقة خمارة خبز
ملعقة سكر
ملاعق زيت على حسب كمية الفرينة

نخلطوا كل المقادير ونلموها بالماء ثم نعجنوها قليلا دلكيها خمس دقائق قسمي عجينتك على حسب عدد الخبزات اللي راكي حابة ديريها او خسب الصينية
ادهني الصينية بالزيت وحطي فيها العجينة بعد ما رمدتيها في البسميد الخشن واذا معندكش معليش سميد رقيق او فرينة حطيها في الصينية وخبزيها حنا نقولوا قرصيها رقيقة خليها تخمر في مكان دافئ ثم سخنتي الفرن في درجة حرارة عالية ودخليها تطيب
صدقوني جي روووووعة وخفيفة وهشة

[/RIGHT][/CENTER]