السلام عليكم
تشيراك العريان لمرضى السكري
المقادير:
250غ مرغرين
نصف ملعقة كبيرة سكر رطب
بيضة
كاس حليب
ملعقتين كبار نشاء
باكي خميرة كيميائية
حبة فرماج مثلثات(اختياري)
فاني
فرينة
قرصة ملح
كوكاو مرحي
ماء زهر
صفار بيضة
جنجلان
التحضير:
نضع في وعاء المرغرين والسكر ونخدمهم مليح ونضيف البيضة وقطعة فرماج ونشاء والخميرة والفاني والفرينة حتى نحصل على عجينة متماسكة
نحضر الحشو:
نضع الكوكاو مرحي مع نصف ملعقة صغيرة سكر رطب وماء زهر
نبسط العجينة بالحلال ونشكل مثلثات ونضع فيها الحشو ونلفها ونشكل حبات التشيراك ندهنها بصفار بيضة ونضع فوقها جنجلان
ثم ندخلها الفرن ساخن من قبل على درجة180° وعندما تنضج نتركها تبرد ونقدمها بالصحة والهناء
مشوك لمرضى السكري
المقادير:
250غ مرغرين طرية
نصف ملعقة كبيرة سكر رطب
صفار بيضة
فاني
نصف باكي خميرة كيميائية
فرينة
قرصة ملح
الحشو:
كوكاو مرحي رقيق
جنجلان محمص
نصف ملعقة صغيرة سكر رطب
ماء زهر
كاوكاو مرحي خشين
بياض بيضة
حبات كاوكاو كاملة
التحضير:
نضع في وعاء مرغرين مع السكر ونخدمهم مليح ونضع صفار بيضة والفاني والخميرة والفرينة حتى نحصل على عجينة نستطيع ان نكورها
نصنع كريات صغيرة ونضع الحشو بداخلها ونغلق عليها ونضعها في بياض البيض ثم نرمدها في كاوكاو مرحي خشين ونضع حبة كاوكاو كاملة فوقها ونضعها في صحون ورقية وندخلها فرن ساخن من قبل على درجة حرارة 180°وعندما تنضج نتركها تبرد ونقدمها بالصحة والهناء
( تقرير عن مشاركة سيئة )، و الموجودة أسفل كل مشاركة .
2015-07-15, 13:50
تشيراك ومشوك لمرضى السكري من مطبخي
العرض الشجري