أي استفسار عن الصيدلة ,, أنا هنا بإذن الله ^^

[*محب النجاح*]

المشاركة الأصلية كتبت بواسطة راية الاسلام1

وعليكم السلاام ورحمة الله وبركااته
سامحني يا اخي مانقدرش نقارن بين تخصصين مش كيف كيف وخلااااااااااص تاني ,,, اضافة ماعنديش معلوما كافية حول طب الاسنان

الصيدلة كل ما يتعلق بالدواء والمخبر ,,, طب الاسنان لا يخرج عن نطاق الفم

صدقني يا اخي مانيش ندير هنا في الاشهار للصيدلة راني نحكي على الواقع المعاااش وبالتفصيل الممل ,,, انا لما دخلت صيدلة كنت نعرفها غير باسمها وتمنيت كون لقيت واحد يحكيلي بالتفصيل من السنة اولى حتى اخر المشوار ,,,
الصيدلة او طب الاسنان في زوج فيهم البطااالة ,,, مثل الطب مثل اي تخصص في الجزاائر

الدرااسة ست سنوات
التخصص العام اللي فات فتحو هنا في قسنطينة 25 منصب للصيادلة و 20 منصب للشرادن ( قسنطينة )
مع العلم انو عدد طلاب طب الاسنان هو ضعف عدد طلاب الصيدلة

اذا نويت تفتح كابيني ( طبيب اسنان ) الكرسي وحدو يدير اكثر من 300 مليون ولونسيج ماتجي تهز منها دراهم تشيب يعني نفس مشكلة الصيدلي كي يجي يحل صيدلية ,,,

الصراااااحة انا ارى قطاع الصحة اصبح للنساء ,,,, لانو حتى تفوت 30 باش تبدا دير في الدراهم
اذا حبيت الدراهم ليه ليه روح لقطاع الامن او المدراس العليا والمعاهد ( لا اقصد التعليم )

نتمنى تكون فهمتني يا اخي ,,, انا نحكيلك على تخصصي بحكم تجربتي الخاصة وانت خمم مليح وشوف اذا عجبك اختار اذا ماعجبكش ماتختارش هذا هو الهدف من موضوعي

اي سؤال حول الصيدلة انا هنااا باذن الله

بارك الله فيك أختي وجزاك كل خير على التوضيح
انا صراحة تخصصات طبية كل ما نحاول نقتنع بيها لا أجد تفاؤل كبير في الجزائر يعني أغلببية يحوسو على الشهرة والشنعة وزيد يفرضو عليك الأهل ولما ترى الإقبال الكبير تحسب أنها سهلة لكن أنا إستنتجت أن من ينجح فيها لازم يقرا بزاف وبزاف يعني ديما ماجور إذا درتها وكتبها لي ربي هكذا ندير في حسابي
معدلي 15.48 وراني نخمم نقلبها بيتروكيماء واش رايك ؟