وصفة حريرة الغرب
شفت شعال من وحدة راها تحوس عنها قلت نحطها بغيت نحطلكم الصور بصح معرفتش راني جديدة في المنتدى
اولا حنا في الغرب منديروش مرقة تاعنا بارد في بارد
الطريقة :
نقطعو حبة بصلة مع دجاج اذا يوجد و نقلوهم مليح حتى تذبال البصلة ولكن منحرقوهاش ونزيد 2 مغارف طماطم مصبرة و حبة طماطم و ربطة قصبرة
و الفلفل الاحمر و معدنوس نقلوهم مليح نزيد الملح و الحرور و كمون و نزيد حبة بطاطا مقطعة و حفنه حمص و 4 حبات جزر مقطعين و لفت اذا
وجد و مغرف هريسة تعطينا مذاق رائع في الحريرة و نمرق نخليهم يطيبو على نار هادية و هذا هو سر و نزيد غرفية تشيشة و كي طيب الخضرة نطحن كلش و
نعاود نديرها على نار هادية وهنا ندير تتبيلة الحريرة حنا نديرو سكن جبيير كروية حبة حلاوة و رااااس الحانوت منستفنوش عنه و مغرف فرينة مع
شوووووية خمارة مخلطين مع شوية ماء ونخليهم يغلو 15 دقيقة و نزيد الليمون
ملاحضة حنا في وهران منديروش التوم في الحريرة او الشوربة
تخرج روووووووووووعة
اذا عجبتكم دعولي