ذوقوا طعامي و ذوقوني ملح طعامكم & متجدد &

[أمنية غفران]

المشاركة الأصلية كتبت بواسطة ام مؤمن

ربي يحفظك اختي امنية راكي طلعتيلي المورال الموضوع حابس ملي حطيتو و انت اول وحدة تشاركينا طيابك في رمضان راكي شهيتيني

ماشاء الله عليك هذاك خبز محشي يتبع قائمة الموالح لا

حبيبتى مخ البقري الصراحة عمري ماطيبتو و ان شاء الله يشوفو طلبك الاخوات و يعطيوك وصفة مليحة

لكن اظن انك تقدري تطيبيه بنفس طريقة مخ غنمي انا نديرو شكشوكة

شوفي انا ندير ملعقة زبدة في مقلى تذوب و نحط عليها المخ و نذرر شوية ملح و فلفل اسود و نزيد سنينة ثوم و نقليه مليح و نضيف عليه 2 حبيبات طماطم رابي او شوية صوص طوماط جاهزة و كي يعقد نكسر عليه البيض و نزينو بشوية معدنوس و راه مايديش وقت بزاف في الطياب يطيب بالخف

نتمنى نكون فدتك و لو بقليل و ان شاء الله يفيدوك الاخوات

و بارك الله فيك على مشاركتك بموضوعي المتواضع و نتمنى ماتكونش اخر مشاركة و صحى سحورك حبيبتي

مرحبا حبيبة صحا فطورك

صح يتبع قائمة الموالح درته بالعجينة السحرية كنت درت تجربة و حطيتها بالمجمد ادخلي لرابطي و ان شاء الله تستفادي منه

https://www.djelfa.info/vb/showthread.php?t=1824970

مشكورة على طريقة المخ راهي جاوبتني اختي ام حمزة و اعطاتني طريقتين حتى انا هادي اول مرة غادية نطيب مخ بقر
هاوليك رابط طريقتها للاستفادة
https://www.djelfa.info/vb/showthread...70897&page=121

بالمناسبة بالصدفة لقيت الاخت ام فاطمة حاطة طريقتها في طهي المخ

https://www.djelfa.info/vb/showthread.php?t=1820481

شفتي رمضان و ما يدير في الصائميين كل يوم زوجي يخرجلي بعفسة هههه

اليوم اطلب مني نقلي له جناحات الدجاج الحمد لله كانو عندي مجموعة في المجمد ههههه

فورتهم و من بعد شمستهم في الزبدة خرجو هايليين



صحا سحوركم جميعا