بريك على طريقتي ،،،،،،،،، روعة

[زينب 83]

السلام عليكم و رحمة الله و بركاته


جبتلكم بريك درتو البارح كتجربة و حبيت نشاركم بيه أخواتي

لبسم الله

مقادير الحشو

لحم مفروم ، بصل مفروم ، ثوم طازج ،ثوم بودرة ، كسبر بودرة ، و كسبر اخضر حشيش، نصف ملعقة طماطم مصبرة ، فلفل حار مقطع ، ملح ، ملعقة زيت

نطيبو اللحم المفروم

بطاطا نغليوها و نرحيوها من الافضل بالروبو او الميكسور باه تكون كيما لكريمة نضيفو لها ملح و فلفل اسود

زيتون اخضر مقطع

بيضة ، نخلطو كامل المقادير مع بعض


جبن اي نوع

و اكيد تقدرو تنوعو في الحشو لكن لازم يكون طري و متجانس


التشكيل

نحطو الحشو في ربع ورقة الديول



نجيبو اوراق معدنوس تكون مغسولة و جديدة ، نلصقها في الربع المقابل بالاستعانة بالبيض و الفرشاة



نغلقو الورقة على اثنين و نضغطو مليح حتى تولي مستوية



نزيدو نطبقو الورقة مرة اخرى يعني على أربعة بعد ما ندهنو بالبيض






و نضغطو مليح ، و نزيدو نطبقوها مرة اخيرة بحيث الحشو جهة الحشو تكون للداخل


نقصو الزائد من الديول




ندهنو بلاتو بالزيت او الزبدة و نستفو البريك و ندهنوه بشوي زيت او زبدة



و نطيبوه في الفرن من تحت و من فوق ، راهو يطيب بسرعة

و لي يحبوه مقلي ممكن تقليوه و اكيد فرق من الناحية الصحية

و هذه النتيجة رووووووووووعة













في امان الله