كيكة المشمش و الخوخ

[بشرى التيسمسيلتية]

السلام عليكم و رحمة الله تعالى و بركاته
البارح بابا جابلنا الخوخ و المشماش قلت وعلاش ما نجربش كيكة الخوخ و المشمش
بمقادير ساهلة و جي خفيفة و بنينة بزااف
انا شخصيا مانحبش الحلويات لكن بنة الخوخ و المشمش فيها جات تهبل و عطاتلها ذوق خاص
ان شاء الله تجربوها و تعجبكم و تحكمو بنفسكم
المقادير
3 بيض و انا استعملت 6 باش تجي كمية كبيرة
كاس زيت الا ربع و انا استعملت 2 الا ربعين
عصير ليمونة
مبشور ليمونة
كاس سكر عادي انا استعملت 2 كيسان
و خلطي ملييييييح مدة 5 دقائق
و من بعد ديري في طبسي 2 كيسان فرينة او اكثر على حساب النوعية خلطيها مع الخميرة تاع القاطو 2 باكيات و من بعد حطي قطع من المشماش و الخوخ الكمية لي تحبي مي ماتكتريش لانو جي جارية شوية اضيفيها للسنيوة
انا كنت موجدة من قبل السنيوة و دهنتها بالزبدةو رشيت عليها الفرينة باش ما تلصقليش
و خليت الفور سخون و حطيتها فيه
و نتي عشسيها في كوشتك و ما تحليش عليها قبل ما تفوت 15 دقيقة لانو راح تتفش
و ان شاء الله تعجبكم و بالصحةو الهنا

هنا كي خرجتها من الكوشة



و هاذي كي قطعتها


اسفة لانو حجم الصور كبير وما حبش يتحمل ايمالا درتلو تريكاج :3



ان شاء الله تعجبكم