خبز فطير بالكريم فراش محشي بالبصل والكراث والفطر والنعناااااااااااااااع جربوه تاكلو صوابعكم وراه خخخخخخ

[ام ريتاج الجزائرية]

السلام عليكم حبيباتي اليوم درت خبز فطير محشي واش نقولكم اممممممممم البنة تهبل


نخليكم مع المقادير وكيفية التحضير اولا
الحشو
1- البصل تقطعيه طوليا
2-الفطر تفتيه او تقطعيه رقيق
3-الطماطم تكون طايبة سكرفجيها
4-فص ثوم
5-كراث اممممممممم على الكراث
6-اوراق النعناع
7-هريسة
8-مغرف قارص
9-مغرف صغيرة طماطم مصبرة
10-ملح.فلفل اسود .فلفل ابيض .فلفل احمر .رشة صغيرة جوزة الطيب
11-جبن مبشور اختياري
12-زيت
التحضير نحطو الزيت نقطعو البصل والثوم والكراث ونخلوهم يتقلاو 5 دقايق نضيف الفطر مقطع رقيق جدا ونخلوههم لمدة 5دقايق نضيف الطماطم المسكرفجة والمصبرة ولهريسة هنا نضيف الملح والتوابل ونخلي الخليط يطيب في غرضو لمدة 15 دقيقة ونضيف في الاخير مغرف قارص
الفطير نخلطو السميد والملح وشويا خميرة وخمارة وزيت الزيتون ونلمو لعجين بالكريم فريش واللي ماعندهاش بالحليب ونعجنوه لمدة 3دقائق ونشكلو كويرات صغار متساوية
نبدا الان في التشكيل ناخذ كرية تاع العجين نفتحها فوق طاولة العمل وباه ماتلصقش نرشو شويا سميد نفتحها سمك 2ملم نحطها بالجنب ونفتح كرة اخرى بنفس السمك
نحط اوراق النعناع فوق الكرة الولى بشكل عشوائي تم نحط الحشو ونحلوه مليح على كامل العجينة ونرش شويا جبن مبشور ثم ناخذ الكرة الثانية اللي فتحناها ونغطي بها ونحاول نغلق الاطراف ونزيد نقرصها شويا بلعقل باه مايخرجش الحشو
في جهة اخرى نكونو سخنا الطاجين ونحط القرصة ونزيد نقرصها بلعقل ونثقبها بالفرشيطة ونطيبها على نار هادئة من الجهتين وبصحة ولهنا
واللي عندها استفسار نحن هنا ..........