لماذا لست مقتنعة

[مشكلتي]

السلام عليكم : فتاة 25 سنة متخرجة من الجامعة والحمد لله محافظة و احاول ان اكون طائعة لربي قدر المستطاع ...
تقدم لخطبتي شخص منذ ثلاث اشهر تتوفر فيه شروط الزواج ...عمل و اخلاق و دين .... الا ان تعامله رسمي للغاية ...إلى درجة اني احسست انه يبالغ في الرسمية .............يعني ليس عفوي ........ ويحلل الكلام و من الواضح انه يتعامل مع الموضوع بمنظور علمي او بمنظور دراسي ...........اعلم ان الامر مضحك قليلا لكنه اقلقني ...........

هو طبعا لم يظهر الا مافيه خير ............ لكن المرء لا يرتاح لمن ليس عفوي ........ارجو ان تكونو فهمتوني ..........انا قلت في البداية راه حاشم ....... ولكن الامر ليس مسألة خجل ..............لا بل هناك امر لا اعلم ماهو .............ربما راني غالطة و ربما لالا

و شكله لا اجد له عند نفسي قبولا كليا مع انو لاباس بيه ... ........يحق للمرأة ان تختار زوجا على الاقل تنجذب له و لو بنسبة ما .........

المهم بصراحة راني رايحة نقبل و لكن على مضض ........يعني مراهاش نافحتلي ابداااااااااااا
علابالي مراناش في قضية نفحة ما نفحة ............

و لكن مانقدرش نوصفلكم مقداااااااااااااااااار عدم الارتياح و عدم الاقتناع اللي ماعندوش سبب عندي ........الله اعلم ..والله ماعلابالي علاش هاكدا راني نمشي في الامر و كأنهم دافعيني فقط ...

لو تسألوني علاش رايحة نقبل نقولكم ...لأنو على دين و خدام ... و لأنو لم يظهر منه مايعيبه ......

ولكن الرغبة في الارتباط من هاد الشخص ......ماعنديش ...........راني نهدر على قضية اني على الاقل نكون فرحانة و متفائلة ....هادي مارانيش حااااسة بيها خلالالالالالالالالاص .....

اسأل الله ان يهديني و ان يهدي بالي ............ارجو منكم النصح ..........لماذا لا اجد رغبة لدي ؟؟؟؟؟؟؟ رايحة نقبل بيه ...... ولكن خايفة من بعد نقعد جافة معاه و نظلمو معاي و نكونو في وضع سيء مع بعض ....ماسبب عدم وجود رغبة لدي ...
وماتقعدوش تقولولي راكي تتشرطي و كدا ........... لا والله عندي رغبة حقيقية في تكوين اسرة ... واحترم الآخرين و افكر بمنطق الكبار لأن الدنيا علمتي ذلك .............
ارجو ردود فيها حلول حقيقة ...او تحليل حقيق لما امر به ..........و شكرا سلفا....