التلميذ يسأل وأستاذ اللغة العربية يجيب

[أحمد دواجي]

المشاركة الأصلية كتبت بواسطة mano angel

أستاذ انا خايفة من شرح الكلمات والتعبير
تعبيري بسيط جدا فيه مقدمة وعرض كما طلب مني وخاتمة صغيرة
أخاف أن لا يعطوني علامة فأنا أريد علامة 7 على8
أرجوك انصحني

السلام عليكم

فيما يخص الوضعية فقد ذكرنا في رد سابق كيفاش تجيبي نقطة مليحة

الرد السابق:
أما الوضعية الإدماجية فركزي معايا مليح

أولا: نبداو بالعلامة كيفاش تكون مليحة في الوضعية

كين عناصر يكون عليها التنقيط
اولا اذا طلب منك الحجم يعني اذا قال 12 سطرا، هادي عليها نقطة مثلا 0.5 أو 01، إذا كان تعبير أقل أو أكثر راح تضيعي نقطة الحجم
ثانيا الترابط والتسلسل وعدم التخلاط في تعبيرك وندخل منا ونخرج في حاجة أخرى الخ هادي تزيد تضيعلك 01 نقطة أو 0.5
ثالثا الاخطاء اللغوية والتركيبية، يعني اذا كان عندك اخطاء لغوية ولا نحوية ولا صرفية ولا املائية ولا ما درتيش جمل واضحة ومفهومة هادي كامل تضيعلك نقطة ممكن تصل حتى لنقطتين يروحولك. مفهوم
رابعا كاين ممكن نقطة أو نصف على التميز في العرض والتصميم والخط يعني يكون واضح ماكاش تخربيش ماكاش اخطاء
ولي بقاو من النقاط يكون على المحتوى تاع التعبير تاعك


يعععععنيييي

في الوضعية الادماجية عندكم 03 أو 04 نقاط على المحتوى فقط
ولي بقاو متعلقين بــــ: التسلسل والترابط واحترام الحجم اذا طلب منك وخلو التعبير من الاخطاء وحسن العرص ووضوح الخط

واضحة الامور الآن؟ هل من استفسار؟

خلاص
ثانيا: عندك مشكل في المقدمة والاسهاب او الثرثرة والخروج عن الموضوع

هادون عندهم تقريبا حل واحد
هو أنك لا تتسرعي
يعني نتي مباشرة تقراي السؤال وتبداي في التعبير مباشرة في المزدوجة وتدخلي وتخرجي الخ ... هذا خطأ
التنظيم اهم حاجة في حياتك

واش تديري:
نحضري التعبير تاعك قبل ما تكتبيه في المزدوجة، كيفاش؟
لازم تقيدي روحك تسألي نفسك واش نكتب في التعبير مثلا (العلم)
اكيد لوكان ما تقيديش روحك ما تحبسيش
اذا نقول نبدا بتعريف العلم
ثم نقدر نذكر اسباب العلم علاه نتعلم
نقدر نذكر الفوائد المميزات
نقدر نذكر امثلة تاع علماء نقدر نذكر كيفاش تعلمو نقدر نذكر اهمية العلم في الاسلام واش قال عليه الله عز وجل والرسول صلى الله عليه وسلم

شفتي شحال؟ بما انك عقلك غني بالمعلومات تقدري تكتبي هادون كامل
لكن تقيدي روحك الان بعد ما تعرفي واش تقدري تكتبي تحددين الان واش تخيري
تقولي مثلا
نكتب التعريف والعلم في الاسلام ونذكر آية ثم الفوائد ونختم بمثال او اثنين مع بيت شعري
هكدا مليح؟ لأنك مقيدة بالحجم
هكدا خيرتي وكل عنصر تكتبي شوية ما تفصليش بزاف اكتبي المفيد فقط وتكون وضعية هايلة ولوكان نصححلك نعطيك 8


هاذ التنظيم يعلمك كيفاش تديري المقدمة كذلك لأن تخصصين اول عنصر تديريه في المقدمة أو تدري تلخيص لكل العناصر في المقدمة مثلا في المثال تاعنا نقدرو نديرو تعريف العلم في المقدمة، او نذكر ان العلم هو كذا وكذا وله اهمية كبيرة وكذاكذا تلخيص صغير باختصار ثم ندخل في العرض

واحسن حاجة تديريها بما أن الوقت ما بقاش
تجمعي اكبر عدد من المواضيع من الانترنت تعابير وتشوفي كل موضوع كيفاش دار المقدم لي هدر على العلم واش دار مقدمة ولي هدر على العمل واش دار ولي هدر على التكنولوجيا واش دار الخ

مفهوم؟ اي استفسار اخر نحن الخدمة

بالتوفيق


اذا عندك استقسار حول الشرح تفضلي

الآن
نعطوك وضعية

تحليها تديريها هنا نصحوهالك مفهوم؟

وضعية 2011

السند:
أزعجتك الأوساخ المنتشرة في حيكفاتفقت مع مجموعة من ساكنيه على تنظيفه وتجميله

التعليمة:
اكتب نصا من 12 سطرا تسرد فيه الاعمال التي قمتم بها داعيا السكان الى المحافظة على نظافة الحي وجماله

نحن بانتظاركم