مقروط الباي

[أم محمدين]

السلام عليكم





جبتلكم اليوم وصفتي لمقروط الباي و هو عبارة عن مقروط اللوز محشي بالبيستاش و مرمد في سكر غلاس ملون باللون الأخضر و من خلال هذه الصفحة أعبر عن امتناني لطاطا صفية ربي يذكرها على خير الي علمتنا هذا المقروط تقريبا سنة 2005 و شحال من حاجة ربي يحفظها امين
[

مقادير المقروط

3 كيلات لوز مرحي
كيلة سكر انا ندير نصف كيلة برك
مغرفة صغيرة عسل حر
قيس حبة جوز زبدة
و تلمي بحبة بيض كاملة و تزيدي صفار حبة بيض و هكذا حتى تتلم لعجينة

مقادير الحشو

3كيلات بيستاش
كيلة سكر دائما انا ندير نصف كيلة
و تلمي بنفس الطريقة كيما المقروط و ديريه حربوش

الطريقة

تحكمي حربةش تاع المقروط و ديري داخلو حربوش البيستاش و تغلقي و تحاولي تحليه شوية على طاولة مرشوشة بالفرينة و تقطعي عادي مقروطات انا ندير العرض أصبعين باش يجيو متساويين
طيبيهم في الفرن و كي تخرجيهم خليهم يبردو و بعد ذلك انفظيهم بفرشاة باش تتنحى كامل الفرينة


بعدها وجدي السكر ديالك زيديلو قطرات من اللون الاخضر و خدميه مليح بيديك حتى تتحصلي على اللون الاخضر بيستاش
رمدي فيه المقروط بع ما تكوني درتيه في ماء الزهر ادا كانت الكمية صغيرة و لا كانت كبيرة غطسيه في سيرو
حطيع في السكر و بداي تخدمي بيه بلعقل و تكوني درتي قفازات تاع لبلاستيك كا كدا يجوك شابين
و عند التقديم رشي عليه سكر غلاس الاخضر و بصحتكم
هوليك كيفاش يجي من لداخل انا ما جانيش خضر لانني حمصتو