ظاهرة الثقة بالأعشاب والرقية وعدم الثقة بالطبيب ؟؟؟

[رجائي فيك]

الموضوع مليح خصوصا انه انطرح في هذ الوقت و على لسان طبيب
اخي انا راح نهدر على حساب تجربتي و افكاري و نتمنى تتقبلوا راي:
انا وحدة من الناس لي مانقدرش نتعامل مع اي شخص بلاما تكون كاين ثقة يعني اذا حبيت نحط صحتي بين يدين طبيب لازم تكون عندي فيه ثقة لهذ الشيء نهار نحب نروح نكشف عند طبيب نسول عليه مليح و اذا اعطاني وصفة نكسرلو راسو بالاسئلة واش عندي واش يلزم هذ الدواء واش هي اعراضوا و نأمن لكل شيء تخصص يعني اذا كنت مريضة من عضو ما نروح لمختص مانروحش لطبيب عام
لهذا ثقة عندي في طبيب الطب كاينة بصح في بعض الاشخاص معدومة يعني اذا شخص لي طبيب حاجة و كانت خطأة ماشي معناه نخسر ثقتي في الطب بصح تهتز ثقتي بهذ الطبيب(صراتلي زوج مرات في حياتي)
بالنسبة للرقية انا نامن بها اذا كانت شرعية و على حسب سنة رسولنا كريم فقران فيه شفاء للنفوس و الابدان اما الاعشاب الطبية اذا ما كنش موثوقة منستعملهاش يعني انا نستعمل بردقوش و القسط الهندي لان الرسول عليه الصلاة و السلام اوصى بيها و هو اصدق الخلق
و على ما اعتقد حتى انت تامن بالرقية الشرعية