السلام عليكم ورحمة الله تعالى وبركاته
اليوم نعلمكم شوي حوايج فيها الور نبداو
باه تشتقو في نقطة تلضو على shift ومبعد تلضو على الزر الي تحت alpha تلقوا مكتوب فوقو بلصفر d/dx ومبعد تكتبو الدالة تاعكم عادي مثلا باه تكتبو الاعداد راهم باينين واذا حابيين تكتبو x تلضو على alpha ومبعد على زر القوس مكتوب فوقو بلحمر x اذا حابيين تكتبو الاس لضو على زر x للي فوقو مربع اذا واذا حابيين تستعملو الكسر لضو على الزر الي تحت calc راو مرسوم فيه زوج مربعات وبيناتهم سطر وباه تتحركو من البسط الى المقام استعملو الاسهم الي لفوق هذا بخصوص كتابة الدالة الي حابين تشتقوها اما بخصوص النقطة الي حابيين تشتقو فيها فعند الانتهاء من كتابة الدالة حركو هذاك الكيرسور او المؤشر بواسطة الاسهم سهم اليمين واكتبو النقطة اي x= 3 مثلا
بخصوص التاكد من انو اشتقاقكم صحيح ........كي تكملو تشتقو نتوما ماشي الالة الحاسبة تتاكدو من انو استقاقكم صحيح ب
تروحو تديرو كيما نعتلكم لفوق تاع الاشتقاق في نقطة ...تكتبو الدالة الي حابين تشتقوها ومبعد تكتبو في بلاصة x= اي عدد انا نستعمل ديما الواحد واشفاو عليه بويسك راح نسحقوه كي تكملو لضو على = يخرجلكم عدد مايهمش حتى لوكان بالفاصلة هذا العدد الي خرجلكم اكتبوه في ورقة ومبعد الدالة المشتقة اي الي نتوما اشتقيتوها روحو عوضو x فيها بالواحد او العدد الي انت استعملتو لازم يكون نفسو ومبعد احسب عادي اذا لقيت نفس الرقم الي خرجلك قبيل اي الرقم الي كتبتو قبييل فالورقة فمبروك اشتقاقك صحيح
مثال ...انا باغية نشتق ربعة ايكس اس اثنان2 ^4x هاني اشتقيت وكملت ولقيت 8x باه نتاكد نروح ندير الاشتقاق تاع^2 4x في نقطة ولتكن مثلا 1 تخرجلي النتيجة 8 نكتبها في ورقة ومبعد نحكم الدالة المشتقة تاعي الي هي 8x نروح نعوض x بالواحد ونلقى 8 اي نفس 8 الي كتبتها في الورقة
دعائكم ساكمل الباقي قريبا انشاء الله وبالتوفيق
( تقرير عن مشاركة سيئة )، و الموجودة أسفل كل مشاركة .
2015-05-07, 20:31
العرض الشجري