// ** - المدارس الخاصة ... هل هي إضافة للمدرسة الجزائرية - ** //

[قمر 77]

السلام عليكم اخي اريد ان اشارككم تجربتي
اولادي الكبار درسو في القطاع العام تمرميدة اضرابات و قلة احترام لا لهم لا لنا و حقهم دايما ضايع و ما عندناش الحق نهدرو كي طلعو للمتوسطة قلتندخلهم قطاع خاص و خلاص المدرسة لاولى تمد فالنقاط و خلاص بدلت لمدرسة اخرى في العام الموالي عكس الاولى تماما خدمتهم قاع ما تبانش يعياو و يجيبوش نتيجة على خاطر ما عندهمش امتحانات يطلعو غير بالتقويمات المستمرة و كل استاذ داير رايو و بالرغم من انها قطاعخاص الا انو فيها التمييز الطبقي و الضعيف يروح فالرجلين راني ندير في الدروس الخاصة لوليدي و ما علا باليش ايجيب العام ام لا
ما علا باليش منين جابو سمعتهم التلاميذ يعتمدو على الدروس الخاصة و نسبة النجاح عندهم مرتفعة الحق سواء الباك 75بالمئة او البروفي مئة بالمئة
مبصح اولادي ما صابوش رواحهم فيها كل واحد وش يخرج عليه
اما وليدي الصغير في مدرسة تبان مليحة نقاطو يديها بالذراع ايلا تهاون راحت عليه و ايضا المدرسة دير دروس خاصة لتلاميذها بلا ما يزيدو دراهم ما والو
يعني ان شاء الله يستمرو في هذ المسار لكن اكيد احسن بكثير من القطاع العام فالمستوى مبحرينهم لا فاللغات و لا في غيرو لكن ما فيهاش ثانوي
العبرة بالادارة سواء الخاص او العام و الاضرابات مشكل اخر