كيف نجعل حياتنا الزوجية شهر عسل دائم

[*سندوسة*]

المشاركة الأصلية كتبت بواسطة ibtihal18

سلام يسمين ..................هزي باقاج و زيدي تحسبا لاي طارئ ان شاء الله برك ربي يرزقك الزوج اللي يكون متفتح فالحوايج هذو
كلامك صحيح و عندك الحق ......و من المؤسف انو بعض الناس يختزلو بقية العمر مع الزوجة في اسبوع او اسبوعين يسموه شهر عسل و من ثم تنقلب حياتهم راسا على عقب في حين انو لازم تكون حياتهم دايما عسل ما ينفدش كيما قلتي و كانه الزواج هو ساعة او ساعتين و انتهى هذا خطا يرتكبوه ناس بزاف
بالاضافة للشي اللي ذكرتيه من الاحسن انو الزوج او الزوجة ما يديوش مشاكل الخدمة للدار من المفروض كي يخرجو من الخدمة تما ترمي كلش .الراجل كي يدخل للدار ما يخسرش ابتسامة في اهلو و المرا تدير حسابها مليح باش تستقبل راجلها ........
زيدي .........باش يحافظو الازواج على حياتهم دايما شهر عسل لازم مرة على مرة يضربو فيها تحويسة و هذي مفروغ منها و حتى كيما قلتي انتي يقدرو يروحو لنفس المكان اللي قضاو فيه شهر العسل .هذي اللقطة روعة اتمنى ان اعيدها في يوم من الايام و لكن المشكلة في هذي النقطة بالذات هي فالعقلية تاع بعض الرجال ..........تلقاهم عندهم امكانيات و كلشي متوفر لكن يبخل في مرتو و اولادو خرجة مع انو طوموبيل تاعو ديما مقارية قدام دارو و هذا لانو ما عندوش العقلية هذي و كاين اللي ماعندو لا طوموبيل لا والو و يشبع مرتو و اولادو فالتحواس و لو فالبوس ..اذن المشكل هنا فالعقلية
فالاخير مشكورة على موضوعك

وعليكم السلام ورحمة الله وبركاته

ههه غير لباقاج لي راني مكترة هههه ماتخافيش على ختك هه
اللهم امين سندوسة تعرف وين تحط رجليها

حنا في مجتمعنا لوكان الراجل ومرته يديرو في بالهم انهم عشاق والله يعيشو حياتهم روعة لواحد كي يتزوج مرا لازم يعاملها كيما لي يتعاملو معاهم برا فهمتيني
واسفة على هذا المصطلح لكن هذه هي الحقيقة كاين لي يهمل زوجته حلاله ويروح يدير عشيقة يقلشها فالحرام شكون خير ؟؟؟؟؟؟
ولمرا تاني لازم ترضي زوجها عليها وماتغفلش عليه تهتم بيه وتسعده وتسعد اهله


حبيبتي ربي يفرحك وان شاء الله تروحي تعاودي شهر العسل