الرجل او المراة اذا كانو سريعي الملل فما الحل؟

[*سندوسة*]

المشاركة الأصلية كتبت بواسطة Nada OrBa

والله الموضوع شدني بزااااااااف ومشكورة اختي سندوسة على طرحه وان شاء الله نفرحو بيك عن قريب ♥ اما بخصوص الملل بين الزوجين بالنسبة ليا الروتين هو اللي السبب الاول اللي يفشل الزوجين وهدا عن خبرة ... متلا انا زوجي نهار كامل يخدم برا وقلييييل جدا وين يروح في السهرة وماتقولوليش اخرجي وبدلي ووووو لانو انا في ولاية تانية غير ولاية اهلي ومانعرف حتى واحد لا جارة ولا صاحبة ولا حتى فاميلتي هنا ومانقدرش نخرج وحدي وراجلي يخرجني مرة في شهرين والملل ماش فشلني قتلني حاسة روحي عجوووزة وزيد مارزقناش ربي بالذرية هدا وحدو سبب كبييير ومانقدرش نطلب عطلة من زوجي بحكم خدمتو لازمني نصابرو ومانزيدش عليه مالا حياتي نوم واكل والفيسبوك ومنتدى الجلفة ههههههههه. عجبني رد الاخت ابتهال لانو هدوك الافكار درتهم وكانت نتيجتهم بهجة مؤقتة لانو مانقدروش نعاودوهم كل يوم.
هيا الشاطرين والشاطرات اعطوني حل للحياتي الفاشلة من كل المقايييس طبعا و♥الحمدلله♥ الحمدلله♥ الحمدلله♥

اللهم امين حبيبتي
وزارتنا البركة
ربي يفرج عليك ويرزقك بالذرية الصالحة لي تفرحي بيها

اختي مثلا انت قلتي انك ماتقدريش تخرجي وحدك جربي تشغلي روحك بما انك قاعدة فدار تقدري تجربي صناعة الحلويات والله راهي حاجة شابة
وزيدي كل مايكون عندك وقت خذو دوش يعني يوميا وكل وقت وحاولي تشغلي روحك بتسريحات شعر جديدة

جربي ملابس يعني افتحي الخزانة وبقاي تجربي فاللبسة نتاعك والله تفوتي الوقت عاودي ارجعي طويها

حنا كنا صغار كنا نجيبو اوراق ونلعبو يعني انت وزوجك كل واحد ورقة وديرو لعبة الحروف والارقام وديرو عقوبة للخاسر ولا لعبو دومينو

كاين بزاف افكار والعاب

جربي ماتقعديش في غرفة نومك يعني مرات اقعدو فالمطبخ ومرات فالصالون يعني لازم كل بلاصة تخلي فيها ذكريات باش نتي كي تغيبي مدار لبلاصة لي يدخلها يشوف خيالك فيها
ونتي تاني هكذا يزيد الشوق

ارسليله رسالة فاهاتف بينيله انك في انتظاره وانك محظرته جو رومانسي يعني كاين بزاف امووووووووووووور