****ز باليمون بنيييييييييييين بزاااااااف

[walido2011]

السلام عليكم البارح درت ****ييز ذوق الليمون من أروع ما يكون نشالله تجربوه و يعجبكم لأنو بنين بزاف و الله.





ما نطولش عليكم لأنو الوصفة ساهلة بزاف بالنسبة للمقادير :

120غ مارغرين من الأفضل مارغرين ماني بصراحة تعجبني في الحلويات
100 غ سكر
حبة بيض
قشور 2 حبات ليمون
عصير حبة ليمون
حوالي 220غ ألى 240 غ فرينة
1 ملعقة صغيرة خميرة كيميائية
رشة ملح
ملعقة صغيرة فاني
ملون أصفر
كمية من السكر غلاص لترميد الحلوى

الطريقة :

نسخن الفرن 200° من قبل، ننخل الفرينة و الخميرة، نخلط السكر غلاص مع قشور الليمون و نخليها حوالي 10 دقائق حتى يتنكه السكر، نخلط الملون مع العصير، نضع المارغرين اللي تكون بدرجة حرارة الغرفة مع السكر غلاص المخلوط بقشور الليمون و رشة الملح و نضربهم بالخاط حتى تولي قوام كريمي، نضيف البيضة و نخلط ثم نزيد نضيف عصير الليمون، و في الأخير نضيف الفرينة و الخميرة بالملعقة حتي تتلم العجينة و ما جيش عجينة متماسكة لازم تكون طرية بزاف هذا هو السر باش جي معسلة من الداخل، نشكل كويرات و نرمدهم فالسكر غلاص، ثم نحطهم في صينية مفروشة بورق الطبخ، وندخلهم الفرن لمدة 15 دقيقة راح يجو مقرمشين من برا و من داخل معسلين.
نتمنى يعجبوكم و تجربوهم انشالله.