مني الموقف ومنكم التعليق ........

[مريم الصابرة]

المشاركة الأصلية كتبت بواسطة النجمة القطبية

نستعرف بيك مريم الشجاااااااعة
بصراحت حرت في هادو البنات كيفاه يخممو صديق صديقها
ضيعو انفسهم وضيعو المجتمع ولا يعرفو امانة ولا هم يحزنون
انا اللى عجبني في القصة كلها موقفك انتى مريومة فحلة صح ولم انتظرها صراحة
الله يهدي ما خلق
وربي يحفظك

السلام عليكم اختي اهلا وسهلا
والله لو اي وحدة مكاني ممكن دارت نفس الشي واكثر
نعم صديق صديقها واداتلو خدمة يا ربي صدقيني يعني مضيعة نفسها وضيعت بنت الناس معاها الله ينتقم منها
لا والله موقفي عادي انا درت فيها حالة وعيطت عليها وقاتلي واش دخلك قتلها شوفي احكمي فمك ما راكيش عارفة مع شكون راكي نسيق بيك البلدية حمارة وما زلت تهدري عذرا على اللفظة لما رجعت للدار ندمت اني ما عطيتهاش طريحة نكسلها لكن غدا بحول الله راح نتوجه لزوجة صاحب المحل ونخبرها بكل شي وهم احرار
تحيري البنات هذو واش راهم ياكلو العلف كيفاه يخمو
الله يهدينا