السلام عليكم و رحمة الله و بركاته
خاوتي بحكم انو عندي طفل صغير يصعب عليا احيانا عمل المقروط او المبرجة او اي نوع من حلوة السميد اللي يكون فيها نفس مقادير المقروط و كنت كل مرة نحاول اني نفكر في طرق ينقصو عليا الوقت و التعب و اخيرا
بالنسبة للعجينة تخلطي ثلاث كيلات سميد متوسط مع رشة ملح و كيلة ناقصة شوية نصفها زيت و النصف الاخر زبدة او سمن ذايب و خلطي جيدا هاد الخليط حطيه في علبة و اغلقي عليه و خبيه فالثلاجة يقعد حتى لشهر في اي وقت تحبي ديري اي حاجةبيه ما تكسري راسك ما والو اجبدي العجينة و لميها بخليط الماء و الماء زهر و انتي درتي حلوة بلا تعب
الفكرة الثانية و اللي انا ايضا مجربتها هو التمر نقيه و فوريه و نكهيه بالسمن او الزبدة و الجنجلان المحمص القرفة و القرنفل تحبي تحربشيه او ديريه كويرات او تخليه كيما راه و تغلفيه جيدا في وقت اللي تحتاجيه تخدمي بيه اذا كنا فالشتاء خليه برا مايصرالو و اذا كنا فالصيف و خفتي يقراص دريه فالثلاجة صدقيني هاد الافكار البسيطة تربحي بيها الوقت و الجهد و وفق الله الجميع
( تقرير عن مشاركة سيئة )، و الموجودة أسفل كل مشاركة .
2015-03-21, 08:15
فكرة رائعة لحلوة بالسميد ادخلي ماتندميش
العرض الشجري