كيكة شوكولا خفيفة وبمقادير بسيطة جدا جدا جدا

[*وردة الشرق*]

السلام عليكم ورحمة الله وبركاته
انتهت الامتحانات وجاءت العطلة وهلو عليك الضياف وانت تقولي جات فلانة واو وصلت واش رايحة نديرلها نعطيك وصفة بسيطة جدا وبمقادير بسيطة اولها انها تحتوي على بيضة واحدة والباقي من مؤونة المنزل


المقادير :

بيضة واحدة .1/2كاس زيت .1/2كاس ماء .2مغارف كبار كاكاو. كاس ونصف فرينة .كاس غير ربع اي 3/4 الكوب حليب رائب او علبة ياؤورت طبيعي خففيها بالحليب حتى تصبح كاس غير ربع .كاس نقصي منو 2 مغارف كبار سكر .كيس خميرة كيميائية .كيس فانيلا او ملعقة صغيرة فانيلا تاع الميزان

التحضير :

نضع الماء والزيت ممكن تستبدلي الزيت بنصف كاس زبدة تصلح ايضا معا على النار وعندما يغليو نضيفلهم الكاكاو ونحرك فقط نحرك ومباشرة ننزعهم من فوق النار ونتركهم حتى يصبحو دافئين

من جهة اخرى امزجي الفرينة مع السكر والخميرة الكيميائية من الاحسن بمضرب شبك (فويي)
ايضا خلطي البيضة + الفانيلا ضيفيلهم الحليب الرائب وامزجيهم مع بعض بمضرب الشبك
الان تجميع المكونات
فرغي خليط الكاكاو على الفرينة وضيفيلهم مزيج البيض والحليب الرائب فقط تخلطي بملعقة حطيهم في مول مدهون انا ندهن قعر المول ونرشو بالفرينة لكن الجوانب لا حتى نخلى مساحة للكيكة لكي تطلع
ندخلوها لفور مسخن قبل 15 دقيقة لمدة 45 دقيقة
نترككم مع الصور هي تساعدكم والكيكة هشة وخفيفة وتدوب في الفم






















وهده لما جهزت تقدري تديريلها صوص شوكولا مع انها للاطفال هكدا بزاف



هده الكمية نتجتلي 12 قطعة ما شاء الله

دعوة خير فقط تكفيني وجربيها ودخلي الابتسامة الى قلوب اطفالك بمقادير بسيطة