انا وإبن عمي ضيوف في مجتمعكم

[مريم الصابرة]

المشاركة الأصلية كتبت بواسطة simassim

السلام عليكم

للأسف المشكل موجود من القدم بالنسبة لي انا من عائلة كبيرة والحمد لله كنا نتلاقوا فدار جدي تحسب روضة رآها محلولة فالدار الحرب بيناتنا من الصباح العشية كي القط والفار والعقوبة ناكلوها من عند الجميع ( الفردة تلحقك ماتعرفش مين جاتك وقادرة توصلك غلاط لأنك جيت فطريقها برك ) ولا مرة صارت مشكله بين الأهل بسبب هاد الشي. مع انه كانت كاينة بعض المشاكل بين الأهل متل كل البيوت مااثرتش علينا ومازال لحد الان مين نتلاقوا نجبدوا ايام زمان
ونفس الشي مازال يتطبق مع الجيل الجديد لي جا بعدنا

هذا الشي خلاني نستغرب من بعض الناس اللي تتمشى فالطريق ماتعرفش ولد او بنت عمها او حتى عمها. ادا شافتوا فالطريق. والسبب. دائماً قصة صارت وقت كانوا صغار للأسف
الله يهدينا ويهدي الجميع



اختي مريم حاولت نبعتلك رسالة مرة وماوصلتش. ممكن تكوني نسيتيني. بصح حبيت نبعتلك حقك تاع طمينة كيما وعدتك. ان شاء الله تكون أوضاعك احسن تحياتي

السلام عليكم اختي اهلا وسهلا والف مبروك يرتبى او تتربى فعزكم يا رب والحمد لله على سلامتك قوليلي بنت او ولد وواش سميتي
اكيد الطمينة يجي نهار وتوصلني وبل وصلتني لانو نيتك أسبق الف مبروك
بالنسبة للموضوع لا تستغربي لاني واحدة من هؤلاء الناس صدقيني في شجار عرفت ان الفتاة هي إبنت عمي ولا اعرفها ولا تعرفني صدقي هذا يعني ولو ماكانتش هناك مشاكل بيناتنا لانو سكننا بعيد عليهم ولانهم ما يجوش نهائيا ما نعرفش اولاد عمي هذاك لحد اليوم لو نلقاهم ما نعرفهمش هذا هو المشكل جفاء القلوب وقساوة الكبار واحقادهم تلقايا توصل للاولاد عل عكس اولاد خالي كنا صغار ذكريات رائعة وطفولة لليوم نتذكرها ونضحك لا غش ولا حقد ولا كره كبرنا ونحن إخوة وحتى ابن خالي يمازحني امام زوجته عادي تعلم جيدا انه اخي وليس ابن خالي لانو تربينا معا
المشكل الكبار ينقلون احقادهم للصغار ولا يعرفون انهم سيكبرون بذاك الكره
شكرا لك نورتني وبارك الله فيك قبلتي للمولود