أنا .............. هنا

[biba.fbi]

المشاركة الأصلية كتبت بواسطة ام محمد امير

سلام اخي من فضلك ممكن تساعد ابنة اختى هي ماعندهاش مشكلة فالطريقة بالصح عندها مشكلة فالتعبير تقدر تفيدها تكون ان شاء الله في ميزان حسناتك

salam ahla w sahla khety
اولا حاجا مليحا كي عاد معندهاش مشكلفي الطرق لانو ف الفلسفة هوما اصعب حاجا
اما لابنسبة للتعبير راهو يرجع كل تلميذ و شطارتو اي معلوماتو الثقافية او اسلوب كتاباته
اوكي ننصحك بحاجا اذا كانت ما تقدرش تكتب و ماعندهاش تعبير مليح و هذا اغلب التلاميذ واقعين في المشكل نفيو ننصحها لاحفظ تجيب مقالة و تحفظها عن ظهر قلب
او اذا كانت ماتقدرش تحفظ و لا تنسا بالخف ننصحها تحاول تجيب مقال و تجزؤوا زعما تجيب مثلا مقالة الذاكرة نفسية و لا مادية و تجيب ورقة بيضا و من بعد تقرا الموقف الاول و تحاول انها تفككو مليح ...كيفاه ؟
تقرا الموقف تلاث خطرات او هي قدرتها على الفهم و الاستيعاب و من بعد تكتب الفكرة الاساسية علا واش دور ( في ذي الحالا الموقف الاول هو الذاكرة مادية ) و من بعد تكتبها و من بعد تزيد تقرا الموقف نفسو و تحاول تخرج الاقوال الخاصة بالفلاسفة و تكتبهم مع اسماء الفلاسفة طبعا
و من بعد تكتب في الورقة البيضا الادلة الي خلاتهم يقولو علا الذاكرة هي مادية تزيد تكتبهم ف هذيك الورقة بهاذي الطريقة راهي رايحا تلقا روحها قدرت تفهم المقالة و ف نفس الوقت تكون حفظتها و من بعد تحاول تركب برك بين هاذيك لي زيدي الي خرجتهم و ان شا الله تقدر تخدم
و اذا ما نجحتلهاش هذي الطريقة ننصحها تحاول تحفظ الاقوال الخاصة بكل درس مه تمهيدي جزئى ليه و من بعد هي تصيغو بطرقتها الخاصة مع ذكر الادلة و البراهينن من الواقع المعاش
و للعلم انا بنت مش ولد خطأ في التدوين فقط
و الله ولي التوفيق