احذرك لا اريد بناتا بل صبيانا و الا.......

[anfal10]

ام ورود ،انا الحمد للله عندي بنتين الله يحفضهم عائلة زوجي يموتوا على البنات ،لان البنات قلال عنهم،في حملي الاول لما عرف زوجي انى حامل قالي انشاء الله بنت و خيرلها اسم وانا في شهرى الاول،انا وزوجة سلفي انجبنا معا انا جبت بنت وهي ولد،والله واحد ما فرح بولدها ولا راحوا شافوه كلهم جاو عندى،انا بقيت حايرة ....جامي شفت هده الحالة موالفين بالعكس
ولما حملت مرة ثانية تمنيت اخ لبنتى ،لكن زوجى كان يزعف لما نقولوا حابة ولد ويقولي الطفلة لازمها اختها باش تساندها ،ويقولى شوفي حالتك معندكش ختك واش راهوم يديرولك خاوتك الدكور،وانجبت بنت ثانية والحمد لله عمرها الان 9 شهور ،راني نحمد ربي لرزق بنتى ورود باخت هكدا ماتعانيش مثلي معنديش اخت تعاوني وتوقف معايا
وعلى فكرة زوجى مزال يتمنى الطفلة ثالثة وخيرلها اسم وانا مانيش حامل حتى.الناس عقليات صح

ربي يحفظلك البنوتات و بارك الله في الزوج الكريم
اغلبية الرجال يفضلون الصبيان لان البنات لهم الكثير من المتاعب ولكن اذا استثمرنا في تربيتهن تربية صالحة حتما سننتج بنات ما شاء الله و تنتفع الام بالبنات انا واحدة من النساء ان شاء الله ربي يرزقني البنات لان في عائلتي الاكثرية ينجبن الصبيان لما زوجة اخي انجبت بنت فرخنا كثيرا بها و هي دلوعة العائلة لان الكل لديه صبيان حلاوتها في البنات اقولك البيت لي مافيهش بنات ما فيهش حياة
ربي يرزق كل واحد الذرية الصالحة خاصة لي محروم منها هاذي سنوات .....