ادخلوا تشوفو واش درت في الاقامة

[yuuke-chan]

البسملة1








واش مدايرين فيها مع البرد مكانش كيما صحنة حمص ولا عيش
راني درت انجاز كبير و جيت نفوخ عليكم شوية درت بانيني في الاقامة و مادام قدرت نديرو في الاقامة معناها اي وحدة تقدر ديرو راهو ساهل ديرو العجينة كيما تروحو لعشية و خليوها تطلع و روحو اشريو الحوايج باه تحشيوها انا كنت صايمة و جات في راسي الفكرة و عجب صحاباتي حتى جاوني كامل داو الوصفة و انا نلعب فيها فحلة هو اساساااا محشي بالفرماج لكن نوعو كيما تحبو
المقادير :
350 غ فرينة
ملعقة صغيرة ملح
ملعقة كبيرة سكر
تقريبا ملعقة كبيرة خميرة الخبز
3 ملاعق كبار زيت
250 غ حليب سائل ولا حليب غبرة و ماء دافيء انا درت حتى تلمتلي العجينة ماقيستش





نفوتو للطريقة :



نخلط المقادير الجافة و الزيت مليح






نضيف الحليب حتى نتحصل على عجينة طرية جدا انا درتها شوية يابسة نتوما ديروها طرية






ندهن الايدي بالزيت باه ماتلصقش و نعجنوها قليلا فوق طابلة مدهونة بالزيت


ثم ديرو كيما في الصورة طبقوها و اخبزو و مبعد طبقوها زوج مرات برك











ديرو كريات صغيرة







حلوهم بالطول








ديرو خطوط بالموس بالجهة اللي ماهيش ماضية انا غلطت درت بالماضية تقطعتلي شوية









خليوها تطلع و مبعد ادهنو المقلى بالزيت لازم تكون ماتلصقش و خليوها تسخن و طيبوهم







من جميع الجهات حتى الحواشي






شوفو من داخل كيفاش طايبة





انا حشيتهم بالفرماج و البيض المسلوق و الحميص مكفانيش الوقت باه نروح نشري كنت صايمة و عاودت رديتهم يزيدو يتحمرو حتى يذوب الفرماج و اذا ولاو يتقرمشو يكون خير المهم في كل الاحوال ملاااااااااااااح







عرضت صحاباتي و بعثت منهم لجارتي و عجبوهم اخخخر و درتهم في الدار و عجبوهم حتى عاودتهم و درت كمية كبيرة
المهم البانيني عليا و الحشو عليكم ابتكروا فيه و نوعوا كييييما تحبوو



امانة لا تخرجوا من الموضوع حتى تصلوا على الرسول عليه الصلاة و السلام


اذا عجبتكم طبقوها و ادعيولي تهمني التطبيقات مش الردود