][[ § ]][ تالقي بفستان السهرة ][[ § ]][ كل عام وامهاتنا بالف خير

[صاحب الامل]

المشاركة الأصلية كتبت بواسطة جلفااوية

اذا ممكن ترسلي صورة لهاد النوع من التول

التول اللي شريتيه انتي راهم واقف وانا اللي نحكيلك عليه راهو يكون كيما ليبا ( جوارب نسائية)

المشاركة الأصلية كتبت بواسطة faiza2008

و انا واش رايكم فالموديل واش انديرلو باش مايبانش كيما القفطان كنت حابة انغير الموديل الصباح ،الله غالب النت كان مقطوع،معليش المهم انا قلت مانديرش الgalon وانعوضه بشيء
آخر des strasses مثلا وانزيد قطعة من الفوق كيما la cap بالموسلين ولا l'organzaولا تول ، درك نبعثلك صورة للقطعة على الخاص و انصحوني لاني مبتدئة ومعرفتي قليلة فالقماش والاكسسورات

فيما يخخص تغيير المودال انتهى وقت التغيير لانو كان من المفروض قبل ما تحطي فستانك كنتي تخخمي قبل نوع الفستان اللي بغيتيه والبارح بعثت مجموعة ولكن للاسف تم التاكيد على الفستان الاول ممكن نساعدوك في التعديل عليه حتى يخرج من نطاق القفطان

المشاركة الأصلية كتبت بواسطة rachaz

ااولا اود اناشكركم نتمنى اذ قبلتوني نكمل معاكم بالموديل تاعي انا راني حابة نعملو بتيسي موسلين احمر والطرف المحرج نديرو بالكتان تاع العدس لي راهم يديرو بيه لي روب سواري ويكون اسود ارجوكم قولولي قداه نحتاج لقماش باش نروح نشري

يا اختي لحد الساعة ما فهمتكش بعثتي مودال ومن بعد عاودتي بعثتي الاول فهمينا وين هذا الاول ولا الثاني

المشاركة الأصلية كتبت بواسطة racha2010

مساء الخير يا بنات مساء الخير يا الجلفاوية واش راكم ...رانا هنا نستناو و متحمسين ان شاء الله نكونو في المستوى ....من فضلكم يا مشريفين ممكن تجاوبوني على سؤالي كنت حطيتو قبل ما يزعف اخونا الكريم عمر تحياتي للكل

اول شيئ نقولك انه ماكان حتى زعاف
وفيما يخص الاستفسارات توضع الان يعني اذا حبيتي تستفسري حطي الاستفسار...

المشاركة الأصلية كتبت بواسطة طموحة لابعد حد

السلام عليكم
اولا يعطيكم الصحا الكل واخيرا بدا الجد راني متحمسة بزاف

ادا المودال اللي خيرتو ما عنديش ليه تصميم الظهر مادابيا تنفعوني بصور للظهر

وتانيا حبيت نسقسيكم على القماش الاسفل نديرو ساتان وادا نعم وش من نوع من الساتان راني ناقصة بزاف في انواع القماش ما نعرفلوش
واللون وشرايكم بالاصفر والا البيج وشحال من ميترا نشري نتاع القماش الاسسفل
والبروشات او الاكسسوارات حبيت نشريهم عسلي ولا دهبي وش قولكم

وشكرا على وسع صدركم

اولا فيما يخص المودال نتاعك
تقدري تخدميه بالفولور او الساتان كيما تحبي وانا من نظري يكون الجزء العلوي مخمل والطرف السفلي ساتان
اما هذاك البيج راهو عبارة عن تول يعني شفاف ونظن انتي ماراحش طبقيه بتلك الطريقة
اما الميتراج كي نتفقو على الاقمشة و الالوان من بعد نقولولك الميتراج