قالات الدومينو

[مريم الاميرة]

بسسسسسسسسسسسسسم الله الرحمان الرحيم
اهلا و مرحبا اخواتي جبتلكم ليوم وصفة تاع قاطو تهبل بنيييييييييييينة و تذوب في الفم نبداو على بركة الله
250 غ مارغرين لابال 200غ سكر رطب من الاحسن المرجان 60 غ فرماج لافاش كي غي la vache qui rit قرصة ملح باكي خميرة تاع القاطو 3 صفار بيض و الفرينة حسب الحاجة
تخلطي كلش مع بعض و تلمي بالفرينة تتحصلي على عجينة كيما تاع الصابلي حليها و اطبعيها مستطيلات بالمول و حطي تطيب
كي تطيب لصقي كل زوج مع بعض بالشوكولا و لا المعجون و ديريلها قلاساج شوكولا و لحواشي ادهني بلاجولي و ديري فارميسال شوكولا
و الدومينو ديريه بالمول المخصص و خالفي الالوان ابيض و اسود و الشوكولا لازم تكون من النوع الجيد و ما تزيديلها والو يعني ميش تاع لقلاساج من الاحسن تكون اومباسادوغ و تحطيه في الكونجيلاتوغ و كي تجمد لصقي بالمعجون
نتمنى نكون شرحت مليح اسمحولي ما عنديش صور بزاف بصح ما تخموش اي استفسار اني هنا
و هذا المول تاع الدومينو

وهذا شكلو النهائي

و تقدرو ديرو خطوط بالشوكولا بيضا و شوكولا كحلة و تعملو كي الميلفاي

و هاذا المول لي قطعت بيه هما يجيو ثلاثة في بعضاهم انا نستعمل الاول يعني الصغير خلاص



نتمنى اخواتي يعجبكم و دعوة خير تكفيني و لكن مني احى التحية و التقدير