9 تطبيقااااااااااات

[biba04]

ام اماني
ميني سويسرول بكريمة الليمون هايلة الف شكر ليك ام اماني
https://im60.gulfup.com/HCKATl.jpg


الرابطhttps://www.djelfa.info/vb/showthread.php?t=1486000






الوصفة موجودة في موضوع وصفات لحراير
https://im60.gulfup.com/oqABTr.jpg

حلوى بالزيت yasmalak

طلعي 5 بيض مع قرصة ملح و فاني و زيديلهم 5 كيسان تاع تاي سكر و 5 زيت و كاس مايزينة و 2 باكيات خميرة و نشفيييهم بالفرينة
تولي عندك عجينة طرييية مي ماشي بزااااااااااااف باش ما يسيحش كي يطيب
ديري كويرات صغاار قيس حبة جوز و عبزي فوقهم ببوشون تاع كوكا كولا و دخليهم يطيبو
راح يتغلققو شوية هدوك التقابي سما عاودي خرجي السنيوة وعبزي بالبوشون مرة وحدوخرااا
كي تتحمر من تحت نحيها ما تطيبيهاش بزاف باش تجي طرييية
رشيها بالسكر قلاصي و ديري فالوسط معجون والا نوتيلا و بصححححححححححتك.







ليجوا بالبرتقال ام انس بنينة ولاكن عجبتني اكثر تاع الشكولا والكراميل بارك الله فيك
https://im60.gulfup.com/zdjV2Y.jpg


الرابطhttps://www.djelfa.info/vb/showthread.php?t=1468911





للحبوبة ليزا روووعة ننصحكم تجربوها
https://im60.gulfup.com/rCUEsy.jpg


قاتو الطبقات بالنواة كوكو lyzzabel
كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم






دجاج محشي محمر فالككوطة لينا 11 بارك الله فيك على الوصفة هايلة

https://im60.gulfup.com/IWsT2i.jpg


.دجاج محشي محمر في الككوطة لينا11

الي طلبت طريقة تحمار دجاجة ساهلة خلاص تعلمتها على عجوزتي ربي يبارك في عمرها بنينة تهبل تقولي العظم وناكلو خخخخخخخخخخخخخخخخ

الدجاجة تتبليها مليح وتكثري لها الملح تجي بنينة
اذا حبيتيها محشية وجدي حشو تاعك (هذي درت فيها الروز طيبتو تقريبا مليح وتبلتو مليح وزدت لو براج قارص ورند وحشيت بيها دجاجة وخيطتها باش حشو مايخرجليش ومن الخارج استعملت توابل ماجي (الي يجو فالكيس ماجي لانهم متوفرين عندي) الي معندهاش دير فلفل اسود وراس الحانوت وفلفل عكري وملح وتحك مليح الدجاجة من خارج وتخليها نص ساعة تشرب نكهة توابل هذوك
في حين تجهز كوكوت تعمرها بحوالي كاس ونص زيت وتخليه يسخن مليح مليح وبحذر تحط دجاجة تاعها تحمرها على كل جوانب مليح مليح (ماتحرقيهاش برك خخخخخ)
من بعد تقفل عليها بالغطاء تاع كوكوت وتنقص نار قليلة خلاص وتخليها حوالي ساعة ومافوق (حسب حجم دجاجة تاعك )
ومن بعد باش تعرف لا طابت تحاول تدخل الموس وتشوف
من بعد تحاول تخرجها بلعقل وتستمتع بيها





بقلاوة بلح البحر
جربها فالفرن ماعجبتنيش جات ثقيلة رحت قليتها فالزيت


الرابط
https://www.djelfa.info/vb/showthread.php?t=1519618







عجينة سحرية ام اماني
درتها خبزات صغيرة بالجبن والزيتون رووووووووووووووعة العجينة بارك الله فيك ام اماني
https://im60.gulfup.com/QPEw4d.jpg


ودرتها دونات
https://im60.gulfup.com/MdiHwj.jpg


الرابطhttps://www.djelfa.info/vb/showthread.php?t=1305317





بسبوستي المحشية درتها بنص كمية الكريمة