باسم الله و الصلاة و السلام على حبيب الله
ربي يبارك في اليدين تاوعكم لي راهم يحطو الخير و الفن تاع الطياب
و يبارك في دياركم و اولادكم
جيت نحط وصفتي للطمينة كورات نديروها في العواشر راهي بنينة بزاف
بعد ماتفوري الدقيق تاع الطمينة مايكونش خشين كما تاع القلب اللوز....خليه يبرد بجيه ....حمسيه في المقلى باستعمال مغيرفة خشبية حتى يسمر لونه .....خليه يبرد مليح و ارمي فيه فرصة ملح و قرصة حرور و شوية قرفة للنكهة
في كسرونة ذوبي الزبدة و العسل حتى الغليان .....كمية العسل تساوي كمية الزبدة و من بعد طفي و بعدي الكسرونة من على النار
ارمي الدقيق المدوزن في االعسل و الزبدة و حطي كمية تاع حلوة ترك محكوكة بين يديك و خلطي مليح لازم الخليط يبقى جاري
غطيه و خليه بجيه
كي تلقايه حكم روحو و راه قابل للتشكيل....كوري كرات حجم البيضة او اكبر و خليهم يزيدو ينشفو مليح....عاودي كوريهم
راح يحبوهم لولاد اكييييييييييييد
بصحتكم و ربي يدوم النعم علينا
( تقرير عن مشاركة سيئة )، و الموجودة أسفل كل مشاركة .
2015-01-05, 13:38
العرض الشجري