غراتان البسباس

[ouissamak]

صباح الخير لحراير واش رااااكم
انا اليوم راني نشيطة ديجا غسلت الكوزينة من الطرف للطرف وكملت التسيااااااق قولو الله يبارك

الوصفة لاخت من المنتدى جربتها هاااايلة وبنينة الوصفة راهي في خاطر shahdanfal اللي راهي تتوحم



نبدا بسم بالله بالمقادير
كيلو بسباس
راس ثوم
كيلو بطاطا
250 غ لحم مرحي
7 حبات بيض
شوية معدنوس
شوية ارز

زيت للقلي
ملح فلفل اسود راس الحانوت

]التحضير

انرابي الثوم وانديرو يتجمر ف شوية زيت وانديرلو التوابل اللي ذكرناها
اومبعد انديرو عليه البسباس بعدكا نكونو قطعناه بالطول وانخلوه يتجمر مع الثوم امليح حتى يدبال
وبعدما يتجمر نمرقوه بشوية ماء
تحكمي اللحم المرحي اتدوزنيه بالملح والفلفل الاسود وشوية ثوم رابي وحبة بيض وشوية ارز
وتشكلي كويرات صغار
وكي يغلي المرق اللي فيه البسباس ترميه يطيب معاه.
بعدها تحكمي البطاطا تقطعيها دوائر او بالطول كيما اتحبي وتقليها وتحطيها تقطر


كي يطيب البسباس واللحم انحيو اللحم من القدر وانحيو تاني البسباس بغراف متقوب


نحكمو بلا تاع الفور نحطو فيه البطاطا المقلية وفوقها البسباس
وفوقها انحطو كويرات اللحم المرحي
اومبعد نحكمو المرقة ديالنا نديرولها البيض والمعدنوس ونفرغوها ف البلا تاعنا
وانحطوها ف الفور حتى يطيب البيض وتقدم ساخنة


ان شاء الله الوصفة عجبتكم خواتاتي متنساونيش من دعواتكم وشهية طيبة