سفيرية الشفلور اقتصادية وبنينة من مطبخي

[وردة الشمس]

السلام عليكم ورحمة الله وبركاته
بما انو الشفلور متوفر هذه الايام وبأسعار في متناول الجميع حبيت نقدملكم سفرية الشفلور كنوع من التغيير
المقادير بالصور

2زهرات شفلور
2طراف دجاج او اكثر حسب الحاجة
ملح
توم
طماطم حب +1ملعقة كبيرة طماطم مصبرة
بصلة
فلفل اكحل
توابل (انا عندي راس الحنوت حطيت مغرف صغيرة )
ملعقة زيت
ليمون
دبشة

الطريقة
تجيبي 2 زهرات شفلور تنقيهم وتقصيهم وتغسليهم مليح وتحطيه يتغلى في ماء+ملح+قطعة من الليمون (الليمون ينزع رائحة الشفلور الكريهة عند الطياب)




تنصبي البرمة عادي تحطي دجاج +بصلة مقطعة +طماط مرحية +ملعقة طماطم مصبرة +ملح +توم+توابل +ملعقة زيت تقليهم مليح حتى يدبال لبصل وتمرقي بماء قليل باه نديرو صوص برك علابلي بيكم تعرفو مليح واش نقصد



لما يطيب الشفلور نحطوه يقطر مليح من الماء ونهرسوه ونزيدو نقطروه مليح بيدينا راكم رايحين تعفجو شويا مي معليش باش تتعلمو لي شباح ميقول اح



نبعد نديرلهم الدبشة مقطعة +ملح +عصرة قارص+فلفل كحل+توابل



نبعد نكوروهم كريات ونخليوهم يرتاحو نصف ساعة في التلاجة او اكتر باش يشد روحو

ونبعد نجيبو عضمة +الشابلير ونمرغو فلعضام ثم الشابلير ونقليوهم فالزيت كما السفيرية تاع البطاطا
ونقطرهم فوق ورق المطبخ
وهاو الطبق تاعي واجد بصحتكم



ارجو ان تقيمو موضوعي وان تدعو لي ان اجد عملا قريبا