السلام عليكم و رحمة الله وبركاته
نزولا تحت طلبات العضوات
اليوم بغيت نحط ورشه خفيفه نوريلكم كيفاش تخيطي روبه تقدري تلبسيها
حجاب خفيف ( وحده ماتحطلي الجلباب و تقولي هاذا هو الحجاب الشرعي ..!)
تحتاجي ثلاث ميطرات انا شريت. شوازات
صور الورشه راحولي بصح قلت نوريلكم في طرف قماش اوخر المهم تفهمو
اول شي فصلت الفوقاني وحدو و السفلي درتو اونفورم شوي
بديت بالجزء العلوي طبقت لقماش على اربعه و رسمت الباترون على لقماش
حبيت ندير بانس يبدا من ليمونشير (فتحة الطابق) الى غاية لاطاي اكيد مدامنا
وضفنا البانسات. معناه لازم نزيدو حقهم قبل رسم الباترون و التفصيل
الاسفل طبقت قماش على ثنين و من اتجاه الزاويه القائمه زدت طبقت على اربعه
بهاذ الشكل
و قطعت الزاويه على حساب قيس دوران الخصر تاعنا راني وضحت
القياس و فصلت المونش. سامبل
بديت نخيط جملت الطراف تاع ليبانس و زينت وسط الصدر ب قيبيور و انتي حره في التزين
تحبي ديري قفايل او نقشات من نفس لقماش او دونتال او اي شي
من بعد لصقت الامام مع الخلف و و سجفت الرقبه من بعد لصقت المونش و حبيت نعمل فيه حركه
صغيره لرفع المونش قليلاً.
من بعد جملت لا جيب و لصقتها في الطرف الفوقاني
قبل ما ننهي لخياطه بغيت نزيد نبهيها ب سانتوره رقيقه لصقتها على الجيهتين
هذا شكلها كي خلاصت.
اهه نسيت (قلتلكم راحولي الصور) المهم ركبتلها قفالي
يتباعو كيما لي بيغل في الوسط و في لي مونش
و انتهى واشرايكم
دعواتكم
( تقرير عن مشاركة سيئة )، و الموجودة أسفل كل مشاركة .
2014-12-18, 21:16
الورشه 25 ....سطايفيه
العرض الشجري