لي ما في كرشو التبن ما يخاف من النار(( هكذا تبانلي ))

[thorpe]

سلام عليكم

عندي شحال ما كتبتش موضوع لهذا نتمنى ما تديروش سلم تنقيط كبير على الاسلوب والا فان الموضوع لن يتجاوز 5 من 20 هه
على بركة الله

كالعادة اخواني سناتي من الواقع

لكن هذه المرة ليس من واقع الواقع انما من الواقع الذي فرض وجوده علينا مؤخرا اي الواقع الالكتروني
او بالاحرى فيس بوك

قبل اشهر كنت باحد امجموعات اقلب الصفحات
الى ان سقط نظري على احد المواضيع المهمة التي اصبح غالبية الناس ربما لا يعيرونها اهتمام
كان الموضوع عبارة عن سؤال جد بسيط يوجه للجنس اللطيف كالعادة (( عياونا بالاهتمام تاعهم الزايد بهاد المخلوقات هههه ))

المهم قرات السؤال الذي كان كالتالي

(( اختي هل تقبلين ان يفتش اخوك هاتفك النقال ؟؟ ))

احترت من هذا التساؤل الغبي بصراحة لكن سرعان ما تداركت الوضع وتفكرت بلي رانا في 2014 ماناش في 1954 مع جيل الثورة الاحرار

هنا بدا الموضوع عندي بصراحة

نزلت قليلا نلقا مئات الردود

اخذني الفضول

حبيت نقرا واش راهم يقولوا

كانت اغلب الردود للفتيات بطبيعة الحال لان السؤال موجه اليهن


وللاسف كانت كلها (( لااااا هذا امر خصوصي لا يحق لاي كان البحث فيه ))

وهنا بدا يركبني العرفيت

ماذا ؟؟؟ الهاتف النقال شيء خصوصي ولا يجب البحث فيه ؟

خصوصي ؟ ههه علاه ؟ وكيفاه ؟؟ وش فيه ؟ هل هو امر يخص النساء وعيب على الراجل والاخ البحث فيه ؟؟

بديت نغلي

ورديت رد قوي وبسيط

لا اذكر جيدا ماذا كان ردي

لكن موضوعه بالمختصر المفيد هو (( لي ما في كرشو التبن ما يخاف من النار ويحق للاخ تفتيش جوال اخته و حاسوبها وكل الامور التي قد تجعلها تنحرف عن الطريق مادامت في بيت ابيها ))

بعدها غلقت الفيس بوك وخرجت

حل الليل وعاودت جيت

نلقا مئااات الردود تنهال علي (( تفكرت لقطة من فلم كرنفال في دشرة كي قالو انت رجعي انت متخلف انت ضد التقدم والتقدمية ههه ))


المهم ويبدا الاخذ والرد مع معرفات اغلبها (( مينوشة انوشة وسوسو لمقلقشة و انا جميلة ومهبولة وغيرها من الاسماء المقززة )) التي ان دلت انما تدل على تخلف صاحبها عقليا واخلاقيا ناهيك عن صور البروفايل الي فيها ملايير الالوان (( بانتلهم التقدم هاك )) مساكين صحاب الشبعة جديدة


المهم الى ان استوقفتني اخت حيرتني

قالت لا يحق وفي القران ما يحقش للاخ التدخل في ختو هههه بلكاتني نقولكم الصح ههه وينا قران ؟؟ شكيت ممكن رافضية راهي تجيب من قرآن فاطمة الذي يزعمون انه ثلاث اضعاف قرآننا ولا يوجد فيه حرف واحد من قرآننا

من بعد
اواه البنت تبان سنية

شحال في عمرك ختي؟
18 ربما او 19
يعني واعية ومكلفة شرعيا و تقدر تتزوج حتى وتجيب ذرية

يبدو ان في الامر ان

ختي فهميني واش هو الشي الخصوصي فالجوال حتى تديري عليه هاد الهالة كاملة من الحراسة المشددة
كاشما عندك فيه مقاطع ؟ كاشما عندك فيه نوامر تاع شباب ؟ كاش ميساجات مجون ؟

انكرت وبشدة وبدات تقول حمد لله انا محجبة وجلباب وماعرف واش
لكن بابا عطانا الحرية
وليكن في علمك حجبت من راسي ماشي بابا لي قالي
وبابا كان يشرينا القش تاع لامود وانا ارفض واقول له اريد ان ارتدي الحجاب
المهم ختنا خرجت على الموضوع وخرجتني معاها

وحتمت علي نقوللها يعني انت انسانة صالحة وباباك ديوث ؟ مادامو يرضا يعريكم فهو في نص الكتاب يصلح فيه هذا الوصف

جن جنونها وحسيت بلي بدات تبكي
قالت بابا انسان متقي و هو يحبنا عليها يشرينا وش يحبو لبنات
وغيرها من الحجج الواهية

على كل حال طال الاخذ والرد

ما قنعتش او ان صح التعبير ما حبتش تقنع ولازالت مصرة على ان الهاتف يعتبر خصوصية مثل شنطة الفتاة قد تحرجها بالبحث فيها

نقولكم الصح كل ما نتفكر لحكاية والردود تاع اغلب الفتيات وفيهم حتى الشباب الديوث
يوجعني قلبي

حبيت نطرح الموضوع هنا بالاك عندها الصح ؟؟؟
مادام الجمع اجمع على انه خصوصية وكنت من بين القلة القليلة التي ترى انه ليس بالامر النسائي المحرج
فنا يكمن المشكل


شكرا على المتابعة واسف على الاطالة

خوكم لحو ثورب thorpe عاد من جديد عاد من جديد عاد من جديد ترن ترن ههه لغناية تاع كبتن ماجد هاذي موش خاتمة هههه