السلاااااااام عليكم الفحلااات 
منين كنت صغيرة كنت نبغي السيقار ونهار اللي ديرهلنا ماما داك نهار كبير بالنسبة ليااا ههههههه
وهاو ليك الوصفة كايجي بنين وخفيف واقتصادي في نفس الوقت
خلطي 2 حبات بيض مليح بالباتورضيفيلها نصف كأس أتاي سكر أو كأس اتاي سكر على حساب متحبي الحلاوة ونصف كأس أتاي زيت ونصف كأس أتاي حليب عصير الليمون تكوني تضربي بالباتور وفي نفس الوقت ضيفي المقادير و1 فرفارة وفرينة مغربلة وابقي تضربي حتى تلتم العجينة حذااااااااري متيبسيهاش بزاف وحتى لوكان تقعد تلصق في يديك رمدي يديك في الفرينة وبقي تشكلي في حرابيش باش تجيك خفيفة وماشي معجنة
ملاحظة : رايح حجم الحربوش يتضاعف اثناء القلي
اقليها في الزيت على نار هااااادئة وحطيها في ورق ماص باش تمتص الزيت ورمديها مادامها سخون في سكر قلاصي وتقدم مع القهوة أو الشااي
وشهية طيبة
ماما قاتلي زمان كانو يديروها بالزبدة هادي المرة جربتها بالزيت وجاتني روعة المرة الجاية إن شاء الله نجربها بالزبدة
( تقرير عن مشاركة سيئة )، و الموجودة أسفل كل مشاركة .
2014-12-07, 18:55
السيقار
العرض الشجري