حبيت نعطليكم وصفتي في الكروكي المقادير والطريقة سهلة شكل جميل ويجيك مقرمش ومستحيل يجي معجن و
المقادير
7 بيض
كاس ونص سكر عادي
كاس ونص زيت
مبشور ليمون
3 باكي خميرة نوارة
1 كغ فرينة + قرصة ملح
الطريقة
تخلطي البيض+ السكر ومن بعد + الزيت مبشور الليمون + الفرينة مع الخميرة
تديري حرابش وتدهنيهم بخليط ( بيضة كاملة + شوي كاكاو + شوييي حليب) و بواسطة الشوكة ديري خطوط مائلة وخطوط عمودية على الخطوط الاولى ودخليهم الفرن وكي يطيب اقسميه بالطريقة المعتادة
ملاحظة تقدرو تبدلو في الشكل
# تنحيو شوي من العجينة تزيدوه كاكاو اسود و تديرو طبقة بيضاء + طبقة سوداء + طبقة بيضاء وتروليوه و تقسموه كالعادة
# ترشو فوقو جلجلانية او نواة كوكو او كوكاو يعني نتم تفننو في الشكل و خليو الوصفة الاولى مرجعية
في الاخير اتمنى نكون افدت الاخوات
( تقرير عن مشاركة سيئة )، و الموجودة أسفل كل مشاركة .
2014-12-05, 20:53
اسهل كروكي مقرمش مضمون 100\100
العرض الشجري