اي نوع من الذئاب البشرية هذا؟؟؟؟؟؟

[بنت فاميليا]

السلام عليكم سبحان أختي نيروز لما نقرا مواضيعك نحس راني مع الأخت جروح ونفس الشيئ لما نقرا للأخت جروح نحس راني مع نيروز ربي يدوم المحبة بيناتكم ويحفظكما ويرجع الأخت جروح سالمة
عودة لموضوعك أختي الكريمة حنا نقولو العشرة فتاشة ممكن أختي راكي سمعتي من طرف واحد ولو كان نجو للحق لازم نسمعو من الطرفين الزوج والزوجة غير هوما لي يعرفو شاكاين ويعرفو الظالم من المظلوم من بعد ربي سبحانه ....تلقاي دايمن الناس يشكرو الزوج وأهله ولا الزوجة وأهلها لكن الحقيقة تبان إلا من بعد العشرة تماك برك الناس تعرف بعضاها
ونزيدك البنت راهي صغيرة في السن واختي راكي تعرفي عقلية بنات اليوم صعيب باش تتفاهمي معاهم بسبب نمط العيش لي والفوه وراهم ما يعرفوش للصبر طريق وكل أسرار الزوجية برا عند مواليهم وممكن عزوجتها راهي مرا كبيرة في السن وعقلية زمان تتصادم تماما مع عقلية ليوم ولي كان زمان من الحيا كاين بنات راهم يضربوه عرض الحائط ويشوفوه من التحضر
لذلك اختي انا شخصيا ما نجمش نحكم ونقولك هذا ذئب لأنو غير ربي لي عالم سبحانه واش كاين ...وقضية انو رجع ما يدخلش للدار بكري صدقيني كاين بعض الزوجات بتصرفاتها تنفر الزوج منها وتخليه يفضل الخارج على الداخل ....لذلك وجب السماع للطرفين
والله عندنا حالات كاين الراجل مظلوم فيها لما تروح البنت لأهلها تولي هي المظلومة وهو الظالم وكاين بنات هوما مظلومات لكن أزواجهم يرجعوهم ظالمات
الله يفرج عليها وعلى كل مكروبة