اصراحة واعر الحال كي تكون وحدة في دار باباها تصرف شهريتها غير في الكماليات و مبعد تزوج و تلقى روحا ملزمة بمسؤولية. انا هاذي صراتلي, راجلي مدخولو قليل , و رانا كاريين, و حابا حوايج للدار, و حابا ندير دار , و ولات عندي مسؤوليات اخرى اللي هي لازم ندير هدايا لعجوزتي و شيخي مثلا, و لازم نبارك و ندير les cadeaux هاذي برك لازمها ميزانية.
قررت باش نوفر اني نخلي نص من شهريتي و نصرف غير نص, سواء كفاتني ولا ما كفاتنيش و الحمد لله وفرت شوية.
كنت مدايرة سلفية من الخدمت الجتماعية و كانو ينحيولي 3000 د من شهريتي كل شهر, هاذ الشهر كملت و الحمد لله, قررت هاذيك 3000 د نخبيها في ظرف و نخليها غير للمناسبات باش كي نكون معروضة م نحير ما نسلف باش ندير كادو.
راني حامل منذ 4 اشهر , خصصت 5000 د كل شهر للتحظيرات باش ما نحصلش اخر ذقيقة,
نقولكم حاجة, كنت في وقت من الاوقات نسلك 14000 د يعني مليون و ربعمية , و قدرت بعون الله (و بزاف الديون طبعا هههههههه) اني نشري سيارة و سلكت 40 مليون دين في 3 سنوات,
الصدقة ثم الصدقة ثم الصدقة راهي تعاون لى درجة م تتصوروهاش
عندي سر واحدوخر نستعملو كي يكون ندي دين : الدعاء " الله اكفني بحلالك عن حرامك و بفضلك عمن سواك "و الله دعاء سحري .
الاخت soha حاولي توفري قد ما قدرتي ما دام راكي ساكنة في دار ما تسلكيش فيه الكراء و ما عندكش الاولاد
بالتوفيق للجميع
( تقرير عن مشاركة سيئة )، و الموجودة أسفل كل مشاركة .
2014-11-24, 20:40
العرض الشجري