سوفلي محشي باللحم المفروم والجبن مممممم

[nina.imy]

السلام عليكم يا لحباب ان شاء الله تكونو باحسن الاحوال هذا اول موضوع ليا في قسم المعجنات والاطباق الرئيسية حبيت اليوم اليوم نشاركم في اكلة شهيييييية ماكانش لي ميحبهاش وهي .... وهي ......... السوفلييييييي بعجينة العشر دقائق الصراحة عجينتي المفضلة والسحرية متخيبش ظني خلااااص




بدون اطالة نروحوا للمقادير


عجينة ال 10 دقائق تتكون من مرحلتين وهما كالآتي :

المرحلة الأولى :

المقادير:
فنجان قهوة سكر + 2 ملاعق كبار خميرة الخبز + 2 كيسان ماء دافي + ذرة ملح +2 كيسان فرينة + 2ملاعق كبار حليب غبرة
نخلطوا هذو المقادير مع بعض مليييييح باستعمال فوي ونخليها على جنب لتخمر وتطلع لمدة 10 دقائق
بعد مرور 10 د نضيفو نصف كاس زيت و3 كيسان فرينة و نخلطو ونجمعو العجين نلاحظو العجينة تلصق في اليدين نزيدولها شوية تاع فرينة حتى تولي ملصقش نعجنوها شوية و نستعملوها مباشرة
بالنسبة للحشو
في مقلى فيها الزيت نحطو البصل المقطع الى مربعات صغيرة نقليوه مليح ثم نضيفو اللحم المفروم ونقلبو نضيفو شوية ملح ثم نضيفو الطماطم المقطة الى قطع صغيرة وسنينات توم مرحيين وفلفل اسود ونحركو و نخلوهم يطيبو دون اضافة الماء لان الطماطم تسيب الماء ولما اطيب نضيفو زيتون اخضر مقطع ونخلوها بجيه ....اذا شفتي بلي فيها الماء بزاف صفيها في كسكاس لان الماء يفسد لعجينة ويتقبها
في طاولة العمل رشي الفريتة وحلي عجينتك متكونش رقية و متكونش خشينة قطعيها دوائر وحطي في كل دائرة ملعقتين من الحشوة وحطي فوق الحشوة فرماج مقطع او مرابي ثم ادهني الاطراف ببياض البيض واطوي حتى تتحصلي على نصف دائرة ثم اضغطي باستعمال فرشيطة ادهنيهم بصفار البيض مخلط مع شوية قهوة وزينيهم بحبتبن زيتون اخضر او اسود ورشي عليهم السانوج ودخليهم للفرن المسخن ديريهم يطيبوا من التحت ثم الفوق حتى يحمارو

من الفوق ثم قدميهم مع مشروبات هذي صورتهم للاسف مصورتلكمش المراحل



نتمنى نكون قد وفقت في الشرح وتجربوهم