تارت قناش الشكولاو توفي المكسرات اممممممممممممم هايلة

[عازفة الناي]

[IMG][/IMG]
اكيد عديد كبير من افراد الاسرة يحبو الشكولا سواء كبار او صغار
لذلك اخترت لكم من بين الوصفات السهلة و الرائعة جبت لكم وصفة تارت قناش الشكولاطة و توفي المكسرات
سهلة في التحضير و هايلة شكلا و ذوقا
ومقاديرها في متناول الجميع


نبداو على بركة الله
المقادير: لابات بريزي
250غ فرينة
125غ زبدة .
صفار بيضة .
ملح
ماء بارد لطم العجين
ممكن تستعملوا اي عجينة متعودين عليها
مقادير القناش :
1كوب و نص كريم فرش
2 علب شكلاطة مني السوداء
هذه صورة نوعية الكريم فريش و الشكلاطة .

مقادير التوفي:
كوب ونصف سكر.
كوب و 2 ملاعق كبار كريم فريش
2ملاعق كبار زبدة
كوب و نصف لوز و جوز خشين .

التحضير:
نحضر عجينة التارت نخدم الزبدة مع الفرينة باطراف الاصابع جيدا بعدها نضيف صفار البيضة و رشة الملح ونزيد الماء البارد جدا بالملعقة ونلم العجينة مانعجنش نغطيها و نتركها ترتاح مدة ساعة في الثلاجة

بعدها نحلها بحسب حجم القالب اللي نستعمله سواء طويل او مربع او دائري ، نثقب العجينة بالشوكة ونزيد ندير ورق زبدة او المنيوم ونصب فيه اي بقول و ندخلها للفرن حتى تحمار ( يعني نطيب التارت كما متعودين ).
بعد مانخرجها نتركها تبرد مليح ونحضر القناش
نحط الكريم فريش في طاوة ونتركها تسخن من بعد نضيف كمية الشكلاطة ونتركها حتى تذوب مع الاستمرار في التحريك ونصب الخليط فوق التارت
شوفو الصورة كانها بحر شكلاطة

ندخلها للثلاجة تبرد
ونحضر توفي المكسرات :
نحط السكر في طاوة مسطحة ونتركها على نار جد هادئة حتى يتحول الى كراميل لونه ذهبي

نضيف الكريم فريش بهدوء لانه ساخن بزاف يعني نحذرو يطرش علينا

ونزيد نضيف الزبدة ونحرك بهدوء حتى يتجانس الكل و من ثم نضيف المكسرات و نخلط مليح

نصب الخليط فوق قناش الشكولاطة وندخله للثلاجة

من بعد نقطعه ونستمتع بالذ وا اشهى تارت اممممممممممممممممممممم


شوفو الطبقات عن قرب امممممممممممممممم


نتمنى تجربوه وينال اعجابكم وتدعولي
انتظر ردودكم او اي استفسار راني في الخدمة