~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~

[سمراء الدنيا]

المشاركة الأصلية كتبت بواسطة oum sabrin

السلام عليكم حبيباتيي وجمعة مباركة
اليوم نضت على 7 صليت وطيبت قهوة. ثم حطيت الفطور يطيب درت طعام بللحم مرقة بيضاء ثم ناضو ولادي(بنتي5سنوات و إبني عامين) غسلتلهم و إعطيتهم لحليب ولميت الغرف ثم درت حوايج في المشينة و رحت للثلاجة نظفتها خفيف و رتبت القضيان لي جابو زوجي ونشرت لحوايج ثم جوزت نشاف خفيف، شمخت شويا معارك بطريقة الكيس المبلل باش نطيبهم للقهة تع العشية،فطرت أولادي ودوشت
صليت جا زوجي من المسجد فطرت معاه ومع عجوزتي. حبيت نقول أنه الجمعة هو لي نتعب فيه بزاف وليس يوم راحة لا أدري أين الخلل؟
و دوك جيت نطل على الأحبة نتمنى تكونو كامل بخير

و عليك السلام عزيزتي ام صابرين ..... ما شاء الله ربي يباركلك في صحتك و يخليلك اولادك
الحقيقة انا تاني نشوف انو الويكاند متعب جدا
و ان شاء الله بتبادل الافكار نخرجو ببرنامج يساعد الكل

[QUOTE=oum sabrin;3992072364]

المشاركة الأصلية كتبت بواسطة سمراء الدنيا

عندي طلب من كل وحدة باغيا تشارك في الدورة انها تكتب جدول ليومها كيفاه يمر ...... باش نعرفو الاخطاء الموجودة فيه و نحاولو نصلحوها ... و نخرجو بجدول مثالي نمشو عليه كلنا

طلباتك أوامر أختي سمراء
جدولي اليومي
6:30 نوض نصلي ونطيب قهوة
7:00 نوض زوجي ونحضر بنتي باش تروحح للروضة
8:00 ننطلق نغسل مواعن القهوة نحط لفطور يطيب بهدوء ندير الملابس في الماشيينة نفتح الشبابيك نلم الدنيا ونوض المشاغب تاعي نغسلوو ونبدلو
9:00 أنا طريقتي مثلا نهار نسيق بيتي و بيت أولادي بطبع مع مسح الغبرة إلخ و الباقي مسيح عادي . اليوم التالي نسيق بيت عجوزتي بطبع .والباقي عادي .اليوم لي بعدو الصالون و بيت لقعاد و الهول بطبع والباقي عادي ثم المطبخ إلا الحمّام والتواليت أكرمكم الله كل يوم تسياق، لأنو مع وليدي بسلامتو و الدار كبيرة ما نقدرش نسيق كلش في نهار واحد
1100 نكمل عمل الصباح نريح شويا مع الميكرو
12:00 نفطرو و نغسل لماعن ندوش و نبدل نصلي الظهر ونرقد شويا مع زكرياء ولا نقعد مع الميكرو
14:30 نوض ندير كاش حاجة مع القهوة(إلا إذا كنت عيانة)
15:30نصلي و نروح نجيب صبرينة من الروضة
16:00 نحط قهوة المساء ونغسل لماعن
16:30 نقري بنتي شويا ويلا عندي حوايج نطويهم
ننتظر زوجيييييييي
عندي غير يوم الجمعة شويا شارجي مع فريز اقضين ...إلخ نحس بلي ما خرجتش من المطبخ

عندي مشكل مع ولادي ما يرقدوش بكري و وليدي ينوضني في الليل يحوس على الحليب حكملي نفس رتم الرضاعة الطبيعة بالرغم أني حبستهالو منذ حوالي 3أشهروالله شيء متعب كثيرا
ملاحظات
لما تحضري جدول أسبوعي لأطباقك راح ما تحيريش الصباح واش تطيبي و ما تضيعيش وقتك في التفكير
أنا نطيب فطور و عشاء صباح باش يبقالي لوقت في المساء (إلا إذا خرجت صباح)
نتمنى نلقا طرق جديدة في تسيير وقتي و نستفيد من خبرة كل واحدة

الكثير من النساء تعاني من سهر الاولاد ... حاولي تنوضيهم بكري و خليهم يجرو و يلعبو باش يتعبو و لازمهم يخرجو الطاقة للي عندهم ... و حاولي ايضا ما توكليهمش الحلويات في المساء راهي تزيد من نشاط الاولاد و في الاخير هاذي مرحلة يمرو بيها كامل الاولاد اصبري معاهم شويا يكبرو يهنوك

المشاركة الأصلية كتبت بواسطة شوشو 11

السلام عليكم
ماشاء الله بنات والدورة بدات تحلى بمداخلاتكم وافكاركم الى الاماااااااااااااااااااااااااااااااام
برنامجي
6..........................الصلاة.+نطيب القهوة
6.15......................بعد القهوة ننصب الغدا يطيب خاصة الحبوب طول شوية
6.30 ....................نوض الاولاد يلبسوا ويدورو على احوالهم ويفطروا وطبعا مع سنفونية الصباح تع العياط هههههه هدا ما عنوش قلم وهدا ماعرفش يعقد خيط الحداء ووووو
وفي هدا الاثناء راني نخمل الديار والفراش ونعيط على الاولاد يطبقو فراشهم وحوايجهم
7.40......................الانتشار كل واحد لوجهته الى المدارس
11.30.....................ندخل قبلهم ندور على الحالة والغدا
12..........................نتلموا على الغدا ونغسل المواعن ومرات نجد قهوة العشية ومرات لا على حساب التعب والوقت
1..........................الى المدارس والكبار يقعدو حتى2
4.........................الرجوع والقهوة وكاش ما معاها حاجة ونطيح دودة تعبانة نريح
5........................العشا واغلب الاحيان نعجن وعشايا يطول طبعا.+المواعن +مسيح خفيف+طلة على النت
الجمعة والسبت للتسياق العميق والتدواش والغسيل

السلبيات
1/فيا طبيعة مش مليحة....مانحبش نطيب الغدا مع العشا لازم نغير ونتعب ونطيب ...عظمي تع شقا هههههه
عاتبوني والقاولي الحل تربحوا فيا اجر
2/ حابة نعلم اولادي يتعلموا يخدمو حاجة وهم رافضين خاصة زوج الكبار يسكتوا ويخرجو عليا ..وانا نخدمها وننسى
اعطولي حل مناسب للعقاب باش يعاونوني في حوايجهم

نحييك يا اختي شوشو و نحيي كل العاملات .... رغم انو الوقت ما عندكش الا انك تحاولي تنظمي نفسك و تقومي بواجباتك على اكمل وجه
بالنسبة للغدا و لعشا .... جارتي خدامة طيب كلشي في الليل و الصباح يبقالها غير الدار تلمها
و الاولاد جربتي معاهم طريقة اخرى ؟؟؟؟ مثلا الجائزة بدل العقاب ...... يعني للي دار حاجة مليحة تشريلو حاجة او تنفذيلو طلب .... ممكن باقي لبنات يفيدونا في هاد الموضوع لاني ما عنديش خبرة في العقاب ههههه