مادلان تاع المحلات .....ادخلن بسرعة

[nina.imy]

السلام عليكم واش حوالكم ؟ ان شاء الله تكونوا بخير رجعت ليكم وجايبا معايا وصفة اقل ما يقال عنها انها راااائعة وهو مادلان كيما تاع المحلات او احسن ولي عمرها ما نجحلها المادلان تجرب هذا و تشوف النتيجة رح يعجبها ويعجب كامل العائلة

ملاحظة فقط هي اني درت المادلان في ليكيسات صغار يعني خرجولي ميني مادلان ولي تحب ديرهم في ليكيسات العاديين تاع المادلان ديرهم ماكانش مشكل نروحو للمقادير

4 بيضات باردين _180 غ سكر عادي _250 غ فرينة _ 200 غ زبدة طرية بحرارة الغرفة _ملعقة ص فاني _قشور قارص _كيس خميرة الحلويات_قرصة ملح

للحشوة معجون فراولة او معجون المشمش

طريقة التحضير : في اناء نخفق البيض مع السكر والفاني وقرصة ملح وقشور القارص جيدا حتى يتكاثف ثم نضيف الزبدة الطرية المقطعة الى قطع ونواصل الخفق جيدا نغربل الفرينة مع الخميرة ونضيفهم للخليط مع مواصلة الخفق بالخلاط الكهربائي حتى يندمجوا مع بعضاهم ملييييييح وفي حالة ما عدتي تحشي فيه بمعجون الفراولة ديري ملعقة صغيرة من عطر الفراولة
اهم خطوة في الوصفة هي تحطي هذا الخليط في الثلاجة على الاقل ساعة ثم عمري ليكيسات تاع المادلان بعد مانكونو حطيناهم في مول المادلان ومنعمروهمش بزاف حتى ميفيضش عند النضج ثم ناخذ المربى قيس ملعقة صغيرة ونفرغها في وسط كل وحدة ثم ندخلهم للفرن يطيبوا
بعد ما يطيبوا تقدري تزينيهم من الفوق صدقوني يخرجوا روووووعة وهشوشين جربوهم وادعولي بالهنا والذرية الصالحة .....

هذي صورتهم وراني مزينتهمش من الفوق لضيق الوقت